10 Novema 2022
E to’alua ni ali’i a’oga na maua e leoleo o lo’o fa’a-‘a’upegaina ini ma’a i le taeao o le Aso Gafua 7 Novema 2022 ‘ina ‘ua lagaina e leoleo la’ua ato a’oga.
O le afiafi o le Aso Sa 6 Novema 2022 na maua ai e leoleo ni fetusia’iga o taupulepulega a fanau a’oga mo le fa’atupuina o vevesi i le taulaga ma isi a’oga i le aso e soso’o ai.
I le Aso Gafua 7 o Novema, na tapena mai ai le Matagaluega o leoleo ma fai a latou galuega i le puipuiga lea o le saogalemu i le taulaga, ma na asia fo’i luga o pasi o lo’o iai tamaiti a’oga ma ta laga a latou ‘ato lea na maua ai ma ali’i nei e to’alua o lo’o iai ni ma’a i totonu o la’ua ‘ato.
Na taofia e leoleo ma molia ai ona o le fa’a-‘aupegaina lea i aupega malolosi o le ma’a.
I le vevesi i le va o a’oga na tula’i mai i le vaiaso ua te’a i le Aso Faraile 4 Novema, na manunu’a ai nisi o tamaiti a’oga e to’a valu; mai i lea to’avalu, e to’a 5 o tamaiti ma i le Kolisi o Sagato Iosefo (St Joseph), to’a 2 Leififi ma le to’a tasi mai i le Kolisi o Maluafou.
Ua le’o toe ‘alo lava le tulafono i le molia ai fanau a’oga ma so’o se isi e auai ma taupulepule e fa’atupu se vevesi i le taulaga.
O le vaiaso lenei ua maitauina ai le si’itia o le fuainumera o leoleo ua aga’i ma ii nofoaga faitele e pei o le fale fa’atalipasi e mata’ituina puipuiga ma le saogalemu o Samoa.
Comments