''Na si'i mai lava i le tou taimi le tau o le soifuaga.'' (La'aulialemalietoa Leuatea Polataivao Fosi Schmidt)

Na tali manino le afioga i le minisita o le Matagluega o Fa'atoaga ma Faigafaiva Hon. La'aulialemalietoa Leauatea Polataivao Fosi Schmidt o ia fo'i o le ta'ita'i fono o le vaeaga fa'aupufai a le Fa'atuatua i le Atua Samoa ua Tasi (FAST) i nisi o lafoga ma saunoaga a sui o le Itu Agai e uiga i le tau o le soifuaga ua iai nei le atunu'u e aofia ai tau o oloa male aia tutusa o le malosiaga o tagata uma e fa'atau ai oloa.

O le si'itia ai le tau o le soifuaga o se mea ua leva ona feagai ai ma le atunu'u e le o se mea fa'atoa tupu o le ala lena o le tula'i o le afioga i le minisita ina ia fa'amanino galuega a le faigamalo olo'o taumafai ai ina ia fa'aititia e tauala atu i le poloketi o le miliona lea o lo'o tu'u atu i lima o le atunu'u e ala i fono fa'avae ma sui a faipule ina ia fa'asafua ma fa'aaoga ma le tatau.

Na saunoa le afioga i le minisita ma toe fa'amanatu le taua o le poloketi o le miliona ina ia fesoasoani i le ola fa'alagolago sa iai ae le gata i lea o lana fautuaga ma le toe fagufagu i sui a faipule uma ina ia fai tiute e ala i le una'aia o itumalo uma e lagolago le poloketi o le miliona a le faigamalo.

E 60 i le 70 container o moa i le masina o lo'o auina mai i totonu o le atunu'u e tusa ma le 6 miliona moa atoatoa olo'o fa'asafua aua fa'atauga mo taumafataga a le mamalu lautele o le atunu'u.

E toai taunu'u mai le faigamalo a le FAST o lo'o iai le tau o le soifuaga sa si'itia tonu i le taimi o le koviti ao feagai ai ma le fesuiaiga o faigalo lea sa si'itia mai ai i le 3% aga'i i le 15% ae o lea ua fa'aititia i lalo ma o le a fa'aauau ai pea ona fa'aititia e pei ona saunoa ai Hon. La'aulialemalietoa Polataivao Fosi Schmidt.

I se vaega o le saunoaga ale afioga i le minisita o le Matagaluega o Fa'atoaga ma Faigafaiva na ia saunoa ai i le faigata o le taumafai mai i le ulua'i taimi na toai taunu'u ai le sa o le faigamalo ina ia fa'aititia le tau o le soifuaga ma le fesoasoani i tagatanu'u uma o Samoa ma vaega uma e pei ona iai le 10 miliona mo kamupani tuma'oti ma le 5 miliona mo turisi lea fo'i o lo'o fasafua atu le ta'i 1 miliona i le tausaga mo itumalo uma e 51 o le malo tuto'atasi o Samoa.