O le taimi lona lua lenei o le ali'i o Ato Plodzicki Faoagali ua saofaga atua i ta'aloga o le Olimipeka ma ta'alo ai i le ta'aloga ole faipelega po'o le fusu fai ma ave fu'a o Samoa.
I luga o le itulau o le facebook a lenei ali'i fusu o lo'o ia momoli ai lona fa'afetai tele i pisinisi ma tagata ta'ito'atasi sa mafai ona tu'u atu le tauau e lagolago ia te ia e tusa ai ma le malaga mai i Samoa ma faia i ni sailiga seleni e fesoasoani ile fa'atupeina o lona malaga atu i Pale i Farani mo ta'aloga nei a le Olimipea.
Sa fa'aali le lagolago malosi a le atunu'u ma tagata Samoa uma e le gata i Samoa nei fa'apea ai atunu'i ii fafo ile alolofa ma lagolago i lenei fo'i alo o le atunu'u e tusa ai ma lona fa'atagisia o se fesoasoani i le itu tau tupe e fa'atupe ai ana tapenaga mo lea fa'amoemoe tele i le laolagi.
O le tausaga e 2020 i le Olimipeka sa taalo ma tausinio ai Ato i le ta'aaloga fusu mo Samoa ma ose fiafiaga tele le toe agava'a ai e ta'alo i ta'aloga o le Olimipeka i le tausaga nei i Pale i Farani.
Comments