O le a toe fusu Jai Opetaia ma le ali’i o Mairis Briedis i le masina fou.

O le aso 17 o le masina o Fepuari o le tausaga nei, lea ua fa’amaonia ma fa’atulaga mai ai le toe iloilo ai i le maea o le alo o le atunu’u ia Jai Opetaia ma ali’i o Mairis Briedis Latvia.

O lenei fusuaga ua leva ona tapisa ai le toatele ma ua fai fo’i si umi ona tolopo mai i le tausaga ua te’a, talu ai sa fuafua e tatau ona toe fusu Opetaia ma Briedis i le aso sa atofaina ae peita’i sa le’i mafai ona fa’ataunu’uina ona sa feagai le ali’i o Mairis Briedis ma ni manuaga tuga i lona tino mai le la fusuaga muamua lea na malo ai Jai Opetaia.

O Mairis o se ali’i fusu fa’apolofesa ma ua leva ona ta’alo i lenei ta’aloga o le faipelega i le maea, ua 39 tausaga sa ia umia le fusi o le siamupini i lana aupaga mo tausaga e tolu. O ia fo’i o se tagata muamua mai lona atunu’u o Latvian ua umia se fusi o le siamupini i faipelega le maea.

O le taimi muamua na feiloa’i ai le maea Opetaia ma Briedis o le tausaga e 2022 i le masina o Iulai lea na manumalo ai Opetaia ma se’i ai loa le fusi o le IBF World Title.

O lea fusuaga o le a faia Saudi Arabia ma o le aupaga autu o le a fusu ai Tyson Fury ma Oleksandr Usyk.