O le mana'oga o le faia'oga ta'iulu o le Manu Samoa 15 ia Vaovasamanaia Seilala Maposua, ia ana tama ta'a'alo ina ia tele atu se ta'a'alo atamamai i le ta'amilosaga o le Ipu o le laolagi e pei ona fa'amalosi'au ai le malo a Fiti ia Enelagi i le vaiaso na te'a.
Sa toeitiiti lava fa'atoilaloina e le Manu Samoa le 'au a Aialani i se manumalo i le 'au numera tasi o le lalolagi, ae le'i ifo to'ele ai Aialani ma manumalo ai i le 17 i le 13.
Fa'aalia e Maposua, e tele naua se mea sa latou a'oa'oina mai ina ua mavae le ta'aloga ma Aialani, o se lesona faigata e ao ona a'oa'oina aua o le ta'amilosaga i le Ipu o le lalolagi e na'o se tasi lava se avanoa e maua; ma ua ia ta'ua ai le va'ai i le fa'atoilaloina e Fiti o Enelagi ma ua fa'amalosia ai lana 'au ma tama ta'a'alo.
O tapenaga a le Manu Samoa mo le Ipu o le lalolagi ua amata ona va'aia se suiga lelei ma le lava tapena, ina ua fa'afaigata ai e le 'au lakapi numera tasi o le lalolagi o Aialani ona manumalo i ni sikoa ma ni 'ai e tele i le la ta'aloga i le Aso To'ona'i.
O Samoa o lo'o i le Pool D ma Argentina, Chile, Iapani ma Enelagi.
Comments