O le 'ā faigofie na maua le 'au gāoi ma 'au solitūlāfono i le taulaga.

O le manulautī tūpito a le Matāgaluega o leoleo i le faigāpa'aga ma le Federal Police a Ausetalia, ina ia malu puipuia Sāmoa mai soligatulafono.

O lea na foai ai e Ausetalia le fesoasoani o CCTV Cameras ma le fausiana o le potu faapitoa e mataitūina(monitor) ai nei cameras.

Ua māe'a ona fa'apipiina isi cameras i le taulaga, ae o isi CCTV cameras o loo fuafua e faapipiina i isi vaega o le taulaga.

Talu ai ona o ld faatupulaia ai pea o mau soligātulafono, o le tasi lea o faamoemoe na āfua ai ona manatu le tatou mālō ma le Ofisa o Tagata Maimoa mai Fafo, ina ia faia nei fuafuaga e mataitū ai nei aga faasolitulāfono.

E tusa ma le $12 miliona talā tupe Samoa le faatupega atoa o lea fesoasoani e pei ona sa faalauiloa aloaia i lenei vaiaso.

E 30 CCTV Cameras lapopo'a na foa'i, ma o le isi faamoemoe maualuga ina ia malupuipuia lava Samoa i le taimi o lana taligāmālō o le C.H.O.G.M ia Oketopa.