Ua fa'ailoa e se tasi o tamali'i Samoa o lo'o galue ma aumau i Ierusalema ia Vincent Jr Schmidt ma le Polokalame o le Fa'asoa Manuia, o lo'o saogalemu lava tagata Samoa o lo'o aumau ma o latou aiga i totonu Isaraelu a'o vevela ai le taua i le va o Isaraelu ma Palesitina i le itu i Saute o Hamas ma Gaza.
O le afiafi o le Aso To'ona'i na osofai ai e le Gaza se vaega o Isaraleu i ana loketi fa'atonutonu alumamao ma talepeina ai i lalo ni isi o fale tetele aemaise o le faitau afe o soifua maimau.
I le lipoti mai i le susuga ia Vincent na ia fa'ailoa mai ai e tusa o le 42 tagata Samoa o loo aumau i vaega o Isaraelu aemaise o le 'a'ai o Ierusalema, o loo saogalemu uma lava.
Ua fa'ailoa foi, ua tapena ni isi o tagata Samoa e 22 toe fo'i mai i Samoa i le aso a taesao ona totoe ai lea o le isi 20 totonu o le nu'u pa'ia.
Ua taofia le tele o malaga ma tapunia malaeva'aleleo Isaraelu ona ua le'o toe saogalemu i le taimi nei loketi fa'atonutonu o lo'o tafanaina i le vateatea.
Commentaires