Ofo e le fa'ale'aiga le taui o le tagata na te iloa fa'amatalaga o le gaoi na osofa'ia le pisinisi

Ua o'o lava fo'i i le Aso Sapati o le Alii, ua fa'atino ai lava soligatulafono a tagata.

E pei ona fa'atagisia mai ai le pule a le tasi o fale'aiga i Samoa le Phat Burger, i se isi lava e na te silafia ni fa'amatalaga e uiga iai latou po'o se isi na gaoia le pisinisi i le po o le Aso Sa 24 o Mati 2024.

O masini Apple Ipads e 3, 3 telefoni fe'avea'i, tupe ma fagu 'ava malosi na gaoia mai lenei fale'aiga i Malifa.

Ua le pine le tula'i mai o le tele o mau soligatulafono i le atunuu, e pei fo'i ona molimauina i le fa'aaiuga o le vaiaso, ni isi o fa'alavelave na tutupu mai i le taulaga aemaise o le gaoi ma le talepe fale.

O lo'o maitauina fo'i le fa'aauau pea o galuega fesoasoani ma lavea'i a le Matagaluega o Leoleo e ala i le mata'ituina lelei o le 'au solitulafono i Samoa, aemaise ai lava o le tupulaga talavou.