16 Setema 2022
I le aofa'iga o 'aitalafu a Samoa sa iai talu mai le tala fa'aletupe 2020-2021 na o'o atu ai i le tasi piliona tala, ae ina ua mae'a le tala fa'aletupe o le tausaga faaletupe 2021-2022 e pei ona mae'a i le masina o Iuni 2022 ua atagia mai ai le pa'u ai o tupe aitalafu a Samoa sa iai i le tasi piliona tala i le paleni fou ua iai nei e $948.4 milona.
I le ripoti ua taulimaina ele BluTV mai ile ofisa o Numera Fa'amauina o Samoa 2022 ua fa’amauina ai e 5.6% po'o le tutusa lea ma le $56 miliona lea ua fa'apa'uina mai ai tupe aitalafu a Samoa sa iai.
Tupe fa'ameaalofa.
I le tausaga fa'aletupe 2021/2022 ua fa'amauina ai le aga'i i luga o tupe fa'ameaalofa fa'atusatusa lea i le tausaga fa'aletupe 2020/2021, e 3.6 pasene pe $5.3 miliona ua siitia ai nei tupe fa'ameaalofa na fesoasoani tele mai ai nisi o malo i fafo aemaise o fa'alapotopotoga fa'avaomalo i le vaitaimi tonu o le a'afiaga o le lalolagi i le Koviti 19. O le isi vaega o lo'o aumai i le ripoti lenei e aofia ai le Soifua Maloloina.
E 0.1 pasene po'o le tusa lea male $0.2 miliona ua siitia ai tupe fa'aalu mo auaunaga fa’asoifua maloloina fa'atusa atu i le tausaga fa'aletupe 2020/2021. O le si'itia o tupe fa'aalu mo le auaunaga fa'asoifua maloloina ona oni vaega mana'omia mo le Koviti 19, e pei o fa'alauiloa, fa'asilasilaga mo le faia tui puipui, aemaise o le tapenaina o tagata lautele i le tali atu i a’afiaga ole Koviti 19.
Ae i le tulaga i tupe fa'asili, i le mae'a ai o le tausaga fa'aletupe 2021/2022 i le masina o Iuni 2022 ua fa'amauina ai le si'itia ai o tupe fa'asili a Samoa e $66.5 miliona i paleni nono. A faatusatusa i le tausaga faaletupe 2020/21 talu ai, o tupe faasili na siitia i le $28.7 miliona ma avea ai ma lona fa o tausaga faaletupe soso'o.
O lo'o aumai fo'i i lenei ripoti le aofa'i o tupe maua na faamauina mo le Tausaga Faaletupe 2021/22 e $785.3 miliona na faʻaititia e 0.8 pasene (po o le $6.0 miliona) pe a faatusatusa i le tausaga fa'aletupe FY2020/21.
Commenti