9 Ianuari 2022.
Ua fa'amauina le pepesi ai o le fa'ama'i o le FLU i Samoa talu mai le masina o Tesema o le tausaga ua tuana'i 2022 e pau mai i le amataga o lenei tausaga 2023.
O lipoti a le Soifua Maloloina ua fa'ailoa ai le silia ma le 1000 o tagata ua a'afia i le FLU i le masina o Tesema mai i le aso 12 se'ia o'o atu i le 25.
Na faia ni su'ega fa'apitoa a le matagaluega o le Soifua maloloina mo latou uma nei, ma e fa'amauina e le'o iai se so'otaga i le fa'ama'i o le Koviti 19.
I se ripoti a le matagaluega ma foma'i, ua fa'ailoa ai o a'afiaga i le manava lea o lo'o pipisi ai lea fa'ama'i i tagat o le atunu'u aemaise ai o le fesuisuia'i o le tau.
O se fa'amaumau lata mai i le Ofisa o le Soifua Maloloina ua fa'alia manino ai fo'i le aga'i malie ai lalo o le numera o i latou o lo'o a'afia ma maua i le Koviti 19.
O lo'o iai lapata'iga ma fautuaga mai i le Ofisa O le Tau i lenei vaiaso ona o le tulaga malolosi ma le mamafa o timuga, o lo'o ua fautuaina ai le tausia lelei o puipuiga fa'a Soifua Maloloina 'aemaise ai o le fa'apuna lelei o le Suavai.
Commentaires