Poloka le 'auala i le Le Mafa ona o se eleele solo.

Ua lē toe mafai ona ūia taavale afi le itū i Sasa'e o Upolu i luga o le Le Mafa ona o se ele'ele solo i na tulai mai i le afiafi nei.

O le nei palapala solo ua poloka uma ai le auala atoa, e lwi iai se taavale na aafia e pei ona faailoa mai e le Ofisa o Felauaiga i le Laueleele(Land Transport Authority).

O mafuaaga e mafua ai ona iai ni eleele solo, ona o le mamafa o timuga lea e pei ona iai le faaiuga o le vaiaso se'ia oo mai i le afiafi o le Aso Sa.

Ua fautuaina ai le atunu'u ina ia faaaoga le auala agai atu i Faleālili mo femalagaiga ae o le 'a galulue le Pulega ma ana Konekarate i le toe faaleleia o lenei vaega o le auala i le Le Mafa.

O fautuaga foi e fautuaina ai le atunuu i nofoaga nei e aafia gofie i eleele solo, ona o le iai o Samoa i timuga mamafa.