Ua maitauina le maualuga o le la'asaga ua iai ta'aloga lakapi i alo ma fanau o lo'o aotauina i Kolisi Maualuluga, e pei ona molimauina i lenei tausaga i ta'amilosaga a a'oga o lea o lo'o fa'agasolo nei.
O le Aso Lulu 24 Aperila 2024, lea sa fa'ataunu'uina ai sa'iliga mulimuli(semi finals), mo ni 'au e sa'ili siamupini i le la'asaga mulimuli o ia taamilosaga a tamaiti a'oga o le BSP National Schools Rugby Tournament i le aso Faraile nei.
O lenei ta'amilosaga na ulua'i amata mai i tua i sone ta'itasi, ona maua ai lea o avanoa e saili ma fili mai ni 'au sa lelei taumafaiga mo le ta'amilosaga tele tu'ufa'atasi lea na amata i lenei vaiaso.
Na amata i le Aso Gafua i Quarter Finals, ona fa'aauau lea i le aso lona lua ananfi mo le Semi Finals. O le isi itu mata'ina o le atina'e ua iai ta'aloga lenei lakapi mo fanau tama'itai.
I le mae'a ai o ta'aloga o Semifinal i le Aso ananafi na taualuga ai i le saofaga uma o 'au lakapi a alii a le Kolisi o Sagato Iosefo i le sailiga siamupini. O au lakapi a Sagato Iosefo mai vaega(divisions) ta'itasi ua mautinoa lo latou saili siamupini ma ni isi o a'oga.
I le itupa o alii vaega U14, ua saofaga mai ai St Joseph ina ua latou fa'atoilalo le kolisi o Nu'u'ausala i 'ai e 14 i le 10. E 12 'ai na manumalo ai le 'au o tamaiti e i lalo ifo o le 16 tausaga le matutua a St Joseph ia Alofi o Taoa e 5 'ai na latou maua, ma na loka ai fo'i ma le isi avanoa i le sailiga siamupini i le aso Faraile. Ae o le vaega o tama matutua o tamaiti e i lalo ifo ma le 18 tausaga na manumalo ai foi St Joseph i le isi taaloga ma Wesley College i 'ai e 17 i le 10.
Ua iai le fa'amoemoe o le Aso Faraile e tatau ona vave mae'a sailiga siamupini o lea ta'amilosaga ona e iai ni isi o fuafuaga ua fa'ata'oto a le malo mo fa'amamaina o Samoa ona o aafiaga o le Dengue Fever.
Finals U14 Girls:
Wesley College vs Leulumoega Fou.
U14 Boys:
St Joseph College vs Church College Pesega.
Finals U16 Girls:
Wesley College vs Itu o Tane.
U16 Boys:
St Joseph College vs Leulumoega Fou.
Finals U18 Girls:
Palauli Sisifo vs Safata College.
U18 Boys:
St Joseph College vs Amoa College.
Comments