Sasaa mai pea tupe i Samoa e va'a meli.

By Lauano Demetrius Ah Mau.

PC : Samoa Tourism Authority.

O le meli ua faaigoaiga o Ms Seabourn Sojourn, e o’o atu I le 450 le aofai o le pasese e mafai ona feavea’i I lenei meli.

E 380 le aofai o le pasese na faimalaga mai I lenei va’a faatasi ai male au va’a e 364.

O le taunu’u mai ai o le va’a meli lenei I le asō ua tau iai le 4 o meli ua afea le uafu o va’a a Samoa i le amataga o lenei tausaga. E tolu meli sa afea Samoa I le masina o Ianuari lea ua mavae atu pea fua I le kalena o va’a meli e afea Samoa lea na fa’asalalau fa’alauaitele e le pulega o Uafu a Samoa(Samoa Ports Authority) o nei meli e aofia ai le MS Nautica, Volendam, ma le MS Seven Seas Navigator.

O le autalavou mai le ekalesia EFKS Taugamanono sa gafa ma le fa’afeiloa’iga o le pasese e ala i fa’afiafiaga fa’aleaganu’u.