24 Oketopa 2022
I le feiloa'iga a le 'au Tusitala ma le Afioga i le Ali'i Komesina o leoleo ia 'Au'apa'au Logoitino Filipo i le vaiaso 'ua mavae na fa'ailoa mai ai le tulaga ua si'itia ai ia fa'amaumauga o tagata i le atunu'u i mata'upu pule i le soifua.
I le tausaga e 2021 na fa'amauina ai e 37 tagata na ma'imau le soifua ona o le pule i le soifua ae e 14 ni mata'upu o nisi o tagata na taumafai e pule i le soifua.
Peita'i i le tausaga lenei i fa'amaumauga lava ia lata mai a le ofisa o leoleo ua fa'amauina ai le fuainumera e 29 o tagata Samoa ua fano soifua ona o le pule i le soifua.
O se popolega fo'i lenei ua fa'ailoa e le falapotopotoga o lo'o nafa ma ia mata'upu ma'aleale le Fa'ataua le Ola(F.L.O) ona o le si'itia maualuga ai lea o mata'upu tau pule i le ola.
O lo:o faia lava ma fa'aauau pea polokalame fa'alauiloa a le Fa'ataua le Ola aemaise o lea fo'i ua amata le polokalame fa'alauiloa a le Matagaluega o Leoleo ma ana pa'aga aemaise o nu'u ma afio'aga fa'apena foi i a'oga e fa'atalanoa ni auala fesoasoani e lavea'i ai i latou ua o'o iai ni mafaufau ole pule i le ola.
AFAI UA E SILAFIA SE ISI UA TALATALANOA I LE PULE I LE OLA IA FA’AFESO’OTA’I LE FA’ATAUA LE OLA.
Numera vili fua 24 itula: 800-5433
Comments