Su'esu'e e leoleo le mafuaaga o le maliu o le Pailate i le faletalimālō i Apia.

Ua faagasolo nei suesuega a le Matāgaluega o leoleo i le maliu ai o se alii Pailate(pilot) i le faletalimālō o le Tanoa Hotel i Sogi i le vaveao o le Aso Sā.

O faamatalaga, e faapea na maua atu lenei alii pailate ua maliu i totonu o lona potu i le taeao o le Sapati 7 Ianuari 2024 ma e lei iloa le mafuaaga tonu o le maliu.

O lenei Pailate sa api i le Tanoa Hotel ina ua taunuu le vaalele o le Aso Toonai ma e fuafua e na te faafoe le malaga a le vaalele a Ausetalia le Virgin Ausetalia i le itulā e 6am i le vaveao o le Aso Gafua.

Na māua faamatalaga i se tasi o sui o le kamupanī vaa, o le mafuaaga lea na toe sui ai taimi o le faigamalaga sa tuu mo le 6am i le itulā e 1pm i le Aoauli o le Aso Gafua.

Na malaga mai le faauluuluga o le Kamupanī vaalele i se vaa togipau mai Ausetalia ma ni pailate ma isi tagata faigaluega o le vaalele auā le faaauauina o le faigamalaga ae toe faafoi atu le aufaigaluega lea na api i le Tanoa Hotel.

O loo talia nei suesuega aemaise o togafitiga faafoma'i auā le sailia ai o lona maliu lilo.