O le taeao o le Aso Lua 10 Oketopa 2023, na fa'ataunuuina ai le sauniga o le suaina lea o le fanua i Moata'a ua lisiina atu e le Mālō tutoatasi o Samoa e faatūina ai le Ofisa o le Mālō o Amerika Samoa.
O lenei fanua sa talosagaina e le Kovana ma le Mālō o Amerika Samoa, ina ia fausia ai se fale a le Teritori e tua iai le mālō ma tagata malaga mai i Samoa mo no fonotaga ma isi fuafuaga a Mālō e lua.
E tusa ma le $4 miliona tālā Samoa, le tau o lea galuega ae o le fanua e lisi fua e leai se totogi.
O le afioga i le Kovana Sili o Amerika Samoa ia Lemanu Palepoi Sialegā Mauga na saunoa e faafetai le tamaitai Palemia ma le mālō o Samoa ona o le faamatuuina o lea eleele e fausia ia se maota mo Tutuila.
O le talanoa a Samoa e lua le Atoa o Samoa sa soalaupule ai pea lenei matāupu ma o lea na matala ai ia sega le finagalo o le Palemia o Samoa ia Fiamē Naomi Mata'afa ma le faigamālō e lisiina lenei fanua mo Amerika Samoa e pei foi ona tatou lisiina ai le fanua i Tafuna mo le Ofisa o Samoa Tutoatasi.
O le fanua i Vailima sa muamua ona tuu iai, ae peitai ina ua asia e le malo o Amerika Samoa lea fanua sa maitauina ai, o loo fausia ai se fale telē a le mālō o Saina, o le ala lea na toe talosaga ai le Kovana i le Palemia ma sa faamatuu mai ai loa le isi nei fanua a le mālō o loo avanoa.
Ua talafeauga le tatalaina o lea fanua ma le toe usuia ai o le fono poo talanoaga a Samoa e lua lea e amata i le Aso Lulu 11 Oketopa 2023, e toe lauliliu ai ni isi o Matā'upu sa talanoaina i isi fonotaga muamua.
Comments