Ta'amilosaga ta'ito'a fitu a le Marist Rugby Club.

Photo: Marist Rugby Club

O le aso na amata ai le fa'amoemoe o le kalapu lakapi a le Malisi mo lana ta'amilposaga ta'ito'a fitu a'o loma ai le fa'amanatuiona o le 100 tausaga o le Asosi o tama ma teine tuai a le Malisi.

O lenei ta'amilosaga o lo'o amata mai lava i alo ma fanau laiti e pei ona iai 'au mo tama ma teine i lalo o le 14 tausaga le matutua o le ta'amilosaga mo tama ma teine i lalo o le 16 tausaga le matutua faapea ali'i ma tama'ita'i e i lalo o le 18 tausaga le matutua seia o'o lava i 'au tele.

O le taua o le fa'amaite a le kalapu lakapi a le Malisi ua amanaia ai le taua o alo ma fanau laiti ma o le fa'amoemoe autu ina ia mafai ona atina'e le fa'atinoina o le lakapi i totonu o Samoa aua o le tele o ta'amilosaga ua na'u 'au tele lava o le tele fo'i kalapu lakapi i totonu o Samoa ua na'o 'ua matutua ae peita'i o lea ua auai uma mai i le ta'amilosaga lea a le Malisi ma o le a si'itia ai le malamalama ma le tomai o alo ma fanau Samoa i le ta'aloga o le lakapi aua 'au masi'i a Samoa mo ta'amilosaga fa'avaomalo i le lumana'i.

E tolu aso o lo'o fa'agasolo ai lenei ta'amilosaga e pei ona amata ma tatala aloaia ai le aso ma o le a fa'amaea ma saili ai siamupini o vaega ta'itasi i le aso 27 o le masina lenei o Iulai 2024.