Ta'oto fa'atafa i luma o le falema'i Moto'otua se ta'avale a'o tapena le Aso Sā.

E tusa i le lata i le itulā e 9pm o le Aso Toonai, ae taoto faatafa se taavale afi o le itūaiga o le TAXI, i luma tonu o le falemai tele i Motootua.

E talitonu o le saoasaoa na afua ai ona faigatā ona faatonutonu ma tulai mai ai lea faalavelave ma mafuli ai.

E lei mautinoa se mafuaaga tonu ae o mau a ni isi sa iai tonu i le vaega lea o le auala, e fai sina saoasaoa o le taavale.

I se tala na molimau mai ai le paaga faatuatuaina, o loo taofia i le falema'i le sa faafoeina lenei taavale ona o ni manuaga.

O loo maitauina pea le agai i luga o faalavelave tau taavale afi o loo tulai mai ma o loo faamauina ai le iai o faatosinaga o le ava mālosi.

O loo faaauauina pea ona faatino polokalame faalauiloa a le Ofisa o Leoleo ina ia fautuaina pea le au avetaavale i le faafoeina o taavale ma le faautauta.