Ua augani mai se tasi o alo fusu lauiloa a le atunuu, le susuga ia 'Ato Plodzicki Faoagali mo se fesoasoani tau seleni e mafai ona fa'ataunu'u ai ana tapenaga mo ta'aloga o le Olimipeka i le masina o Iulai o le tausaga nei 2024.
O le susuga ia 'Ato, o se tasi o alo fusu a le atunuu ua maualualuga le tulaga o ana taumafaiga i faipelega a le lalolagi ma le nei itulagi.
I luga o le upega o fa'amatalaga le FACEBOOK, o fa'aali manino mai ai e 'Ato lona mana'omiaina o le fesoasoani mo fa'atapena atu ai i tolauapiga o lea fa'amoemoe.
Sa va'aia le tali a le atunu'u e fia lagolagoina le fa'amoemoe o le tama fusu, ua ia talosagaina fo'i pule o pisinisi mo se latou fesoasoani ae o lea fo'i se tulaga e mafai ona ia fesoasoani ai i pisinisi.
O 'Ato Faoagali na maua lona avanoa mo ta'aloga i le Olimipeka i lana fusu'aga na manumalo ai i ta'aloga o le Pasefika i le masina o Setema i Solomona o le tausaga ua te'a 2023.
Comentários