19 Tesema 2022.
![](https://static.wixstatic.com/media/295e2e_4c2448e0b7084a1184851882b1708a3e~mv2.jpg/v1/fill/w_369,h_321,al_c,q_80,enc_auto/295e2e_4c2448e0b7084a1184851882b1708a3e~mv2.jpg)
Ua tapena nei le fa'amoemoe mo le fa'asuafaina lea o le Amepasa o le mālō o Saina i Sāmoa ia Chao Xiaoaliang i le suafa Tupa'ialofa.
Na tā'ua e le afioga i le Minisitā o Fa'ato'aga ma Faigafaiva ia La'aulialemalietoa Polataivao Schmidt, o le fa'aaloalo lenei o se fa'aeaea ma le amana'iaina lea o le sao tele o le mālō o Saina i Samoa e ala lea i atina'e ese'ese ua manuia ai le atunu'u.
O le tele o le sao o le malo o Saina o ese mai i ffale tetele ae o le tulaga lea o la'au toto ma fa'atoa'ga e pei ona latou fesoasoani ai le 'au fai fa'ato'aga i le atunu'u.
O le tausaga e 2019 na tofia ai e le Mālō o Saina ia Chao e galue ai i Samoa o se amepasa, ma e mai i lenā tausaga na maitauina ai le tele o poloketi ma atina'e mo le manuia lautele o tagata na mafai ona fesoasoani mai ai Saina e tauala mai lea i le Amepasa.
Ua silia ma le 40 tausaga o le faigapa'aga a Samoa ma le mālō o Saina.
Comments