Taualuga galuega a le Paleme o Samoa mo le 2023.

pc: Parliament of Samoa.

O le taeao o le aso, na faia ai sauniga fa'afetai fa'ai'u a le Palemene o Samoa e fa'afetai ai i le Atua ina ua taualuga le tausaga.

O le ta o le itula e 5am i le vaveao o le aso na faia ai se fonotatalo a le malo ma le Palemene o Samoa i le Maota Fono.

Sa ta'ita'i lenei sauniga e le afioga i le Ao o le Malo, Tuimalealiifano Va'aleto'a Sualauvi II, ma na auai foi isi lala o le faigamalo e pei o le fa'amasinoga.

E le'i auai le tamaitai Palemia ia Fiame Naomi Mata'afa, ona o lo'o toesea i Niu Sila mo ana togafitiga ma siaki masani.

O le aso fo'i na toe ulufale ai le afioga i le ta'ita'i o le Itu Agai ia Tuilaepa Sailele Malielegaoi i le maea ai o le fa'amasinoga ma fa'atonuina ai e tatau ona toe fa'aauau ona tiute fa'a Sui Usufono o le Palemene o Samoa.

Na auai fo'i faletua o afioga i Faipule ma Ofisa Sili o Pulega ma Matagaluega eseese a le Malo, aemaise o le fa'availolo o Fono o Ekalesia Soofaatasi a Samoa.

O le taualuga ai o lenei fonotatalo ona alo lea o le Fono Aoao Faitulafono i lana fonotaga mulimuli o le tausaga e fa'atalanoa ai ni isi o galuega tu'ua a le Palemene mai i le fonotaga talu ai.