20 Tesema 2022.
O le vaveao o le Aso Lua 20 o Tesema 2022 na faia ai le mafutaga tatalo lona lua a le Palemene lona XVII a Samoa i le Maota o le Palemene i Ti'afau, o le mafutaga tatalo lenei e fa'afetai ai le Atua ina ua taualuga galuega fa'alepalemene o le tausaga e pei lava fo'i ona masani ai a'o lumana'i le fonotaga mulimuli a le Palemene.
O le sauniga na ta'ita'ia e e le Susuga i le fa'afeagaiga Toea'ina ia Rev Elder Tesimeta Afamasaga mai i le Ekalesia Fa'apotopotoga Kerisiano a Samoa i Fatausi i le Motu i Savai'i.
Na 'auai le afioga i le Ao o le Malo o Samoa, Afioga Tuimaleali'ifano Va'aleto'a Sualauvi II ma le Masiofo, Sui o le fono Sui Tofia, Itutino o le fa'amasinoga, Sui o le malo mai fafo, Fa'afeagaiga ma o latou faletua, Fa'auluuluga o Matagaluega ma le mamalu o le 'au vala'aulia.
O le itula e 9 i le taeao nei e amatalia ai le fono usu mulimuli o lenei tausaga 2022.
Comments