O lona uiga e lē toe tuli mamao mai le fia 'ai i le McDonald i le taulaga o Apia pe afai e taunuu faigamalaga i le Malaevaalele i Faleolo, auā o le 'ā iai le isi lālā fou i Faleolo e pei ona maea sainia ai le feagaiga.
O le vaiaso nei lea na sainia aloaia ai le feagaiga i le va o le fale'aiga lailoa lenei ma le Ofisa Sili o Pulega a le Malaevaalele ia Tumanuvao Evile Falefata.
O lea feagaiga o le 'ā lisi ai le fale'aiga i le nofoaga o iai le malaevaalele ma ua faailoa foi, o le lālā telē lea a le fale'aiga a le McDonald o le 'ā fausia i Samoa aemaise foi o le ulua'i lālā lea o lenei fale'aiga i Samoa.
O le masina o Iulai ua faamoemoe e amatalia ai le galuega mo lea fale'aiga tele.
O le tausaga e 1996 na uluai faatuina ai le faleaiga lenei Samoa ma ua 28 ai nei tausaga.
Comentarios