O le fa'aiuga o le vaiaso na mavae atu sa ta'aalo ai le Manu Samoa ma le 'au a Sepania ma o lana ta'aloga mulimuli lena i laueleele o Samoa nei e lua iai ana ta'aloga ua maea ona fa'atinoina i Samoa nei e pei ona iai lana ta'aloga muamua ma le 'au a Italisa ma malo ai i 'ai e 33 i le 25 a Italia.
Sa matua'i mamafa timuga i le afiafi o le aso Toonai ua toe o nai minute amata loa ma le ta'aloga ma e lei avea le louloua o le tau ma tulaga e fa'atama ai le sagisagi fiafia atu o le mamalu lautele o le atunu'u e opogi ma lagolago ta'aloga ale Manu Samoa, o nisi ua fa'atimu lava i nofoaga matamata o lo'o iai talu ai o lagona o le fiafia ma le tumau o le lagolago i alo ma fanau o lo'o fai ma ave fu'a a Samoa ma ta'aalo ai i le Manu Samoa.
E le gata i lea na afio atu lava lana afioga i le ao mamalu o le malo o Samoa e molimauina taumafaiga a le Manu Samoa ma nisi o sui o le malo o Samoa e pei ona iai le afioga i le ta'ita'i o le itu agai Tuilaepa Sailele Malielegaoi o ia fo'i o le fa'a tama o le Iuni Lakapi a Samoa.
E le'i faigofie le ta'aloga pe 'a fua iai i 'ai o le afa muamua sa matua'i osofa'i mai lava Sepania i le fia malo i laueleele o Samoa peita'i ane o le fa'amalosi 'au a le au maimoa e ala i le taufono i tama ta'aalo a le Manu Samoa na toe fa'afuase'i ai lava le sikoa fa'atopetope a le ali'i o Nigel Ah Wong le numera 11 a le Manu Samoa fa'apea ai ma le fesoasoani a le kiki i le pou a le numera 10 ma tula'i mai ai loa ma 'ai o le ta'aloga Manu Samoa 34 Sepania 30.
Comments