To'afā ni fanau Sāmoa sa i galuega fa'avaitaimi na maliliu i se faalavelave tau ta'avale i Victoria.

O se ta'avale totogi aso(rental) o lo'o masalomia na lavevea ai ni taulele'a Samoa i le aai o Vitolia Ausetalia ma maliliu ai i le taeao o le Aso Sā.

I lipoti a le 7 News a Ausetalia, (Tributes for men killed in Victorian crash in Piries, near Mansfield) ua faailoa ai ni ali'i Sāmoa sa galulue mo galuega faavaitaimi i Ausetalia auā tausia o 'āiga lea na maimau soifua ina ua lavea se taavale sa latou agai ai i le vaega o Vitolia.

Na mauaina le taavale ua mū i lea vaega o Ausetalia e se tasi o tagata na agai atu i lea auala, ma na fesootai le ofisa o leoleo ma agai atu ai.

Fa'amatala i lipoti, e taunuu atu leoleo e faatino suesuega ma latou māua ai ni tino o i latou ua maliliu.

O le isi o le to'afā ua maliliu, o le susuga ia David Gasologa; e pei ona fa'asoa ifo ai e le toatele ni upu faamaise ma lagona mafatia ona o le maliu faafuase'i o le nei atalii.

O le uō a David Gasologa o Vaelei Von Dincklage, lea sa faailoa ona lagona mafatia i ana tusitusiga i le facebook, i le faateia o ia i le mea ua tupu ina ua logotala ua maliu lana uō.

"Sa ou onosa'i ma fa'atali i lou toe fo'i mai i Samoa; Ua e le toe fo'i mai ia te a'u. Ae o le 'ā ta toe feiloa'i i le isi itū".

(You really are not coming back to me. I’ll see you on the other side babey (sic),”)

O loo faagasolo suesuega a leoleo i le nofoaga na tupu ai le faalavelave tau aavale.

E faamaise atu foi le agaga le Atua i aiga o fanau ua maliliu i lea faalavelave e lei mafaufauina.