Toatolu Minisitā Lagolago Fou ua faatautoina.

Ua faatautoina nei Minisitā lagolago e toatolu e faaaopoopo i le aiga Minisitā Lagolago.

O sui faipule e toatolu ua tofia nei e aofia ai, Ale Vena mo le Minisita Lagolago o Tiute ma Tupe Maua, o Tuu Anasii Leota i le Minisita Lagolago o Leoleo ma Falepuipui ma le afioga ia Mauu Siaosi Puepuemai i le Minisita Lagolago o le Matagaluega o Galuega.

Na faamalosiau le Palemia, afioga Fiame Naomi Mataafa ma faamanatu le taua o tōfiga e lagolago ai galuega tauave a afioga i Minisita o le Kapeneta.

Na auai sui o aiga ma uō e molimauina lenei sauniga tāua i le faatautoga o afioga i Minisita Lagolago fou.