Toe amatalia ta’amilosaga Kirikiti a le Asosi Kirikiti Fa’avaomalo Samoa mo le tausaga lenei.

Tusia e Lauano Demetrius Ah Mau.

O se tasi nei o ta’aloga o lo’o sologa lelei lava lona atina’eina i totonu o Samoa, e pei ona fa’atino ai e le Asosi Kirikiti Fa’avaomalo a Samoa a latou polokalame i tua o nu’u, autalavou, o totonu o aoga fa’apea le tele o kalapu kirikiti palagi i totonu o le atunu’u.

Ua iai fo’i aso ua ma’ea

fa’atulagaina e fa’atino ai ta’amilosaga kirikiti a autalavou ma aoga aso sa mai ekalesia esese fa’apea fo’i mafutaga a tina mai nisi o afioaga.

E tusa ma se pepa o fa’amatalaga mai le Asosi Kirikiti Fa’avaomalo Samoa, o le aso 26 o le masina lenei o Fepuari lea ua fuafuaina o le ‘a toe amata fa’agasolo ai le ta’amilosaga kirikiti mo ‘au a tama’ita’i.

O ‘au a ali’i lea ua fa’atulaga mai o le aso 18 o le masina o Mati i le tausaga

lenei o le a amata ai fo’i ta’aloga ma le tamilosaga mo ali’i lava ia.

Ua tatalo mai le Asosi Kiritkiti Fa’avaomalo a Samoa i kapeteni o ‘au ta’itasi e fia auai i nei ta’amilosaga mo le tausaga lenei i ‘au a tama’ita’i fa’apea ‘au a ali’i, o le a faia se feiloaiga ma le Asosi i le aso 20 o Fepuari i le itula e 12:00am i le aoauli.

O lenei feiloaiga o le ‘a toe fa’amanino ai nisi o suiga i le fa’agasologa o le ta’amilosaga i lenei fo’i tausaga.