E tusa ai ma se pepa o fa’amatalaga mai le pulega o le Moana Pasefika, fiafia lava le Moana Pasifika e fa'ailoa mai le toe fa'aopoopo ai o aso o le konekarate a le Susuga ia Jonathan Taumateine, I le avea ai o ia ma numera 9 po’o le afa, a le Moana Pasifika mo le isi piriota ta’alo.
O le susuga ia Jonathan Taumateine, ua 27-tausaga le matua o lona soifua, ma o le a toe foi I le Kalapu o le Moana Pasefika, e ta’alo ai mo le isi fa tausaga. O le tausana fo’I lenei na toesea ai Taumateine mai le tele o ta’aloga a le Moana Pasefika, ona o se manu’aga na feagai ma ia.
O le mau a le pulega a le Moana Pasefika, e maeu fo’i lea tama ta’alo. Pe na ta'ita'ia le 'au i le malae i ana ta'aloga, e iai lava le vala e fa'ate'ia ai le pulega, ona o lana fa’atinoga maoa’e. Ua fa'aalia ai e Taumateine, lona talenia i lea fa’agatama.
Na ia faʻaalia lona naunau e avea ma vaega o le atinaʻe faifaipea a le faʻalapotopotoga ma faʻaalia le tu masani a le kalapu. Na fa’aalia fo’i e Taumateine lona fa’amoemoe tele mo le aga’i i luma o le ‘au ma le tu’ufa’atasiga fa’apitoa i le Moana Pasifika. Na fa’afetaia e le Faiaoga Ulu ia Fa’alogo Tana Umaga le tomai ta’alo o Taumateine, lona tino, ma le malosi, ma na ia ta’ua ai lona fa’amoemoe, ina ia fa’aauau pea le tautua a Taumateine mo le 2025.
O lo'o filifilia ma ta'alo nei i le Manu Samoa i le tulaga lava lea o le afa i lalo o le ta'ita'iga a le faiaoga o le Manu Samoa ia Mase Mahonri Schwalger ma le pulega.
Commentaires