Tesema 21, 2022
I le maea ai o le fono a le Kapeneta, ua faamaonia ai nei le toe filifilia ai lea o le Afioga ia Papalii John Taimalelagi e faauluulu iai le Matagaluega o Faamasinoga.
"Ua fa’amaonia e le Kapeneta le tofia ai o le afioga iā Papāli’i John Taimalelagi Afele e avea ma Ofisa Sili Fou o Pulega mo le Matāgaluega o Fa’amasinoga ma le Fa’afoeina o Tulaga Tau Fa’amasinoga.
O lea tamāli’i o le atunu’u, ua lava lona silafia i le fa’atinoga o galuega ma auaunaga a le Matāgaluega, ua silia ma le 10 tausaga o tautua ai o se Ofisa Sili Lagolago a’o le’i tofia e avea ma Ofisa Sili o Pulega mai le 2016 i le 2019. Sa galue fo’i i le Matāgaluega o Fa’amasinoga a Niu Sila.
O Papāli’i o lo’o ia umia fa’ailoga tauāloa o le Bachelor of Art Degree mai le Iunivesite a le Pasefika i Saute i le 2003.
Sa fa’au’u mai fo’i i le tusi pasi tauāloa o le Certificate of Samoan Customary Mediation mai le Iunivesite a Otago, ma o le taimi nei o lona tausaga fa lea i le fa’ailoga o lo’o ia su’esu’eina o le Bachelor of Law (LLB) mai le Iunivesite a Aukilani.
Comentarios