27 Ianuari 2023.
Ua pasia nei ma fa'amaonia le Lipotu o le teuteuga O le Tulafono Tumau, Mataupu tau palota talosaga ma Tofiga faa le Faavae e pei ona iai lenei Aso i le Fono Usu a le Palemene.
O le Afioga ia Fonotoe Pierre Lauofo lea ua fa'amaonia nei ina ua pasia e le maota lenei teuteuga o le tulafono tuma ina ia mafai ai ona se'e ane le sui ta'ita'i e avea ma ta'ita'i o le Itu Agai.
I le mae'a ai ona fa'agasolo o felafolafoaiga i luga o le Lipoti lenei na tuuina atu ai le fesiili a le Fofoga Fetalai i le Palemene ma fa'apena ai loa ona talia ma pasia.
O le ta'ita'i talu ai o le Itu Agai le susuga ia Tuilaepa Lupesoliai Malielegaoi ua le mafai nei ona toe avea ma ta'ita'i o le itu agai.
Na fa'atonuina e le Fofoga Fetalai le afioga ia Lauofo ina ia se'ei loa i le nofoa o le Ta'ita'i o le Itu Agai.
Comments