25 Ianuari 2024
Image Source: Facebook
O le tasi lenei o tofiga mo ofisa sili o pulega a Matagaluega a le malo lea ua suia i le amatlia ai o lenei tausaga fa’apea le toe a’e ai o le fono o le Palemene a le Malo o Samoa mo le tausaga 2024.
E to’alima i latou na fa’aulu a latou tusi talosaga i lenei avanoa, ae o lea ua fa’amaonia mai le tofiaina ai e le Kapeneta e tusa i fautuaga a le komiti fa’atonu sa gafa ma le iloiloina fa’apea le fa’atalatalanoaina o lea avanoa, le tofia o le Afioga ia Loau Donina Tili Va’a e avea ma Ofisa Sili o Pulega mo le Matagaluega o Tina ma Tama’ita’i, Atina’e o Nu’u ma Agafeso’ota’i(M.W.C.S.D.)
O le Afioga ia Loau ua leva ona tautua i totonu o Niu Sila ma Ausetalia i auaunaga lautele na va fealoa’i ma tagata, ma ua lava fo’i lona silafia ma le iloa i aiaiga ma lavasa’i uma o ona titue ma tofiga ua tofia ai.
O Loau o lo’o ia umia ni fa’ailoga taualoa o le Masters of Social Policy and Public Administration mai le Iunivesite o le Pasefika i Saute i le tausaga e 2004, o lo’o ia umia fo’i le fa’ailoga taualoa o le Bachelor of Arts, Literature Language- Population i le tausaga e 1994.
E tolu tausaga lea ua fa’ailoa mai o le a tau ave ai e Loau lenei tofiga o le Ofisa Sili o le Pulega o Matagaluega o Tina ma Tama’ita’i, Atina’e o Nu’u ma Agafeso’ota’i(M.W.C.S.D).
Comments