Tofia Nonu Sale'imoa Va'ai i le tofiga Taitaifono o le Komisi Tagata Faigaluega a le malo (P.S.C).

4 Oketopa 2022

PC: Facebook.

Ua fa'amautu mai nei ni isi o tofiga fou a nisi o ofisa a le malo o Samoa e pei ona sa fofogaina e le Afioga i le Tama'ita'i Palemia Hon Fiame Naomi Mata'afa i le feiloaiga ma le au tusitala.

O nei tofiga e aofia ai le Taitaifono o le Komisi mo Tagata Faigaluega a le Malo(P. S.C) ma ona sui 'aua e toalua.

O le afioga ia Lauano Vaosa Epa sa tula'i mai i lea tofiga, ae peita'i o le vaiaso ua tuana'i na taua'aoina atu ai i le Kapeneta lana tusi fa'amavae, ma o lea ua tofia ai nei le afioga ia Nonu Sale'imoa Va'ai e avea ma taitaifono o le Ofisa a le malo.

O sui e to'alua o le Komisi ua tofia ai, Fonoti Perelini Perelini ma Gatolai Tili Afamasaga.

PC: Facebook.

Na fa'afetaia e le Palemia le sao o le afioga ia Lauano Vaosa Epa ona ana galuega sa feagai ai ma le taitai ina o lea foi itutino o le tatou malo.

O tofiga taitaifono ma sui Komesina e tai tolu tausaga.