Panmure, KFC, Niu Sila - Sa lipoti mai le NewsHub a Niu Sila, Ua taofia nei se alii i le ofisa Leoleo ina ua ia faaleagaina taavale o tagata o loʻo tutū i le laina e faʻatalitali latou oka meaai mai le KFC i Panmure.
I se faamatalaga o se molimau i lea feeseeseaiga, faimai sa taumafai lea ua molia, e faʻaaogā se voucher poʻo le coupon e totogi ai lana oka meaai, ae peitai, e leʻi talia e le au faigaluega a le KFC ona faimai latou e lē mafai, na amata ai loa ona ia palauvale ma avauvau i tagata faigaluega ma tagata faʻatau o loʻo faʻatali i totonu o latou taavale mo a latou oka.
E 3 taʻavale na afaina i lē fiafia o lea ua molia, ina ua ia alu atu ma soʻa taʻavale o loʻo tutū e faatalitali latou meaai.
Faimai le ofisa leoleo, e leai se isi na manuʻa i totonu o taʻavale ia na aafia, se vagana lea ua molia, ma ua uma ona falemaʻi ma ua ai nei moliaga e faasaga ia te ia
Comments