O se tausaga uiga ese lenei i le au ta'aalo a Samoa ua to'atele le 'au ta'aalo ua mafai ona agava'a ma auai atu e tausinio mo ta'aloga o le Olimipeka i Farani e iai ta'aloga e 9 o lea tausinio ai Samoa.
I fa'amaumauga lava ia o le 'au ta'aalo a Samoa sa masi'i atu i ta'aloga ia o le olimipeka talyu ona fa'avae mai i le tausaga e 1984 ua na'o le to'atasi pea le tagata Samoa sa mafai ona fa'amanuiaina ana taumafaiga i ta'aloga ia e pei ona iai le tama'ita'i o Ele Opeloge sa ia mauaina le pine siliva i le ta'aloga o le si'isi'i u'amea mamafa mo le itupa o tama'ita'i i le tausaga e 2018 sa talimalo ai Saina i ta'aloga o le Olimipeka.
E tele le talitonuga o le pulega ma le Asosi o Ta'aloga a Samoa le Samoa Association of Sports and National Olympic Committee o le a iai le avanoa e maua ai nisi pine auro ma pine siliva ma pine apamemea e fa'aopopo i pine a Samoa mo ia ta'aloga pea fua iai i tapenaga a au ta'aalo uma ua agava'a mo lenei tausaga.
O ta'aloga a le Olimipeka ua leva ona taoto faiga fa'avae a le malo mo i latou uma ua agava'a e ta'aalo ma tausinio ae fa'amanuiaina i le pine auro mo Samoa, e fa'amanuiaina i le tino i tupe e $100,000 tauala mai i le malo o Samoa.
Comments