Ua sauni Christopher Luxon e taʻitaʻi Niu Sila i se laʻasaga fou

Ua manumalo le National Party i le Faiga Palota Lautele a Niu Sila, e 50 nofoa ae 34 nofoa a le Labour, ae o loʻo faatalia pea faitauga mulimuli o palota faapitoa e i loa ai le aofai saʻo o nofoa o le maota.

O le po anapo na vaaia ai foi ni matati'a fou mo vaega faiupufai laiti e pei o le Greens Party ma le Te Pati Maori, Sa molimauina ai foi le toe foi mai o se tasi o Faipule leva o le Maota o Winston Peters ma le New Zealand First ina ua manumalo i nofoa e 8.

Sa vili le Taʻitaʻi a le Labour Party ia Chris Hipkins i le taʻitaʻi o le National Party, Christopher Luxon e faamalo atu ia te ia i lona manumalo i le palota.

Ao faatalia le faitauga mulimuli o palota faapitoa, ua sauni Christopher Luxon e malaga e Uelingtone e fono ma isi faipule a le National Party ma sui sinia o le vaega faaupufai i le vaiaso nei, e faatulaga le latou kapeneta ma le latou soʻotaga ma vaega faaupufai a le ACT, o loʻo Taʻitaʻi le alii ai David Seymour. O le aso 3 o Novema lea ua faasilasila mai le Ofisa Palota e maua mai ai le faitauga palota faapitoa.