I le lauga a le sui faipule o le itumalo o Anoama'a 1 sa ia fa'afetaia ai le atina'eina o lona itumalo e tauala atu i le poloketi o le miliona tala a le malo ua maea ona tufatufaina vaega tupe o le miliona tala muamua i nu'u ta'itasi e faitalia pulega ma faiganu'u i l e fa'asoasoaina o seleni e fua i luga o poloketi ma atina'e sa fa'auluina atu i le komiti o le Fono Fa'avae mo le itumalo o Anoama'a 1.
Sa fa'afetaia e le afioga ia Alaiasa Moefa'auouo Sepulona Moananu le malo ma le tulaga e pei ona iai le toe sua malosi o le suavai o le afioga o Falefa ma na ia saunoa ai ua tae'ele le nu'u ma ta'uta'u le igoa o le minisita o foliga ia o le fiafia ma ua atagia ai le fa'afo'isia ose manaoga ua tali atu ma ua leva ona molimana'o iai le afioaga.
Na saunoa le faipule ua lelei mea uma i lona itumalo pau o lea toe lava o le falema'i i Lufilufi ua mana'omia lava ona silasila iai le afioga ile minisita o le Soifua Maloloina ua tatau ona fai iai se fuafuaga i le toe fausia o se falema'i fou, ae le gata i lea o le auala ua manaomia ona toe falelei aua le femalagfaiga a lona itumalo pau ia o manaoga o le afioga i le faipule o le itumalo o Anoama'a 1 sa fofola i totonu o le fono a le palemene i le aso ananafi.
Comments