New Zealand 26 September 2023: Ua mua mai luma le vaʻa a le "King Maker" Winston Peters i se palota faʻataʻitaʻi o le News Hub taua o Newshub-Reid Research poll, O lenei palota o se ata faʻataitai, o fa'amaumauga o fainumera ia e maua mai suesuega poʻo surveys o loʻo faatino e le Reid Research e failoa mai ai poo fea mea o lilifa ai le finagalo o tagata palota Niu Sila ae leʻi faia le Palota tele.
Taua mai le Newshub-Reid Research poll, ua sili mai luma le vaʻa o se tasi faipule ua leva ona tautua le malo o Niu Sila ma o loʻo suafa foi ia Vaovasamanaia mai Savaii, Samoa.
Ae faapea e saʻo le valo'aga a le Newshub-Reid Research poll, ma ae faapea e tulaʻi mai se malo fou lenei tausaga, e lona uiga e mana'omia e le National ma le ACT le lagolago mai ia Winston Peters e fausia ai se malo fou e tusa ma fainumera fou ia ua maua mai le Newshub-Reid Research poll.
Ia manatua, O le paloto tele o Niu Sila ia Oketopa 2017, sa moʻomia ai le National ma Labour le lagolago a Winston Peters, o le po lena na faalauiloa ai e Winston Peters ua ia filifilia le Labour e faia se tuufaatasiga ma le NZ First i lalo le taʻitaʻiga o Jacinda Ardern.
Comments