E le'i tu'u mamaina e le Toa Samoa le 'au a Greece i le la taaloga i le taeao o le Aso Gafua 24 Oketopa 2022. Sa matua mataina lava le ta'aalo o tama fanau o Samoa , aemaise le susuga ia Jarome Luai i le ma Brian To’o mai le au NRL o le Panthers.
E ta le afa i le 40 minute muamua o le taaloga o lo'o 42 le Toa Samoa ile leai se ai a le au a Greece ' ae i le taualuga ai o le taaloga i le 80 minute na tula'i mai 'ai o le ta'aloga i le 72 a Samoa ae 4 'ai mo Greece.
O se ta' aloga na matua manu'anu'a ai Greece i le Toa mai lava i le 'afa muamua se' ia taualuga le 'afa mulimuli.
O le vaveao o le Aso Gafua pe o le te' a o le itula e 4am ae taufai mumu moli ma televise a tagata Samoa 'aemaise o tipoti uila ma ogaumu se'i tunu ai se ipu ti aua le tapuaiga.
O le ta' aloga lona lua lenei ale Toa Samoa talu ona tatala le ipu ole lalolagi ile vaiaso ua tuana'i, lea sa faatoilalo ai e Enelagi ile la faaloga tala malae.
O sikoa na maua ina e Brian Too, Jarome Luai, Tim Lafai, Harris Tavita,Junior Paulo, Danny Levi, Royce Hunt, Faamanu Brown, Stephen Crichton ma Mathew Feagai.
O le isi ta'aloga ale Toa Samoa o le'a ta'a'alo ai ma Farani ile Aso 31 o Oketopa. O Enelagi o lo'o tulaga muamua ile Kulupu (Group) o lo'o i ai tatou, lona lua i ai Farani, tolu le Toa Samoa ae lona fa ai le 'a a Greece.
Comments