Search Results

13 Iuni 2022 PC: Facebook Ua maea ona fa'alauiloa nei le 'au a Samoa o le'a auai atu i ta'aloga laiti o le Pasefika o le'a talimalo ai Saipan CNMI i le aso 17 agai atu i le aso 25 ole masina o Iuni 2022. O le 'au filifilia a Samoa e aofia ai alo ma fanau i Samoa nei e fa'apena fo'i i ni isi o lo'o alala ma papa'a'ao i fafo atu o Samoa. O ta'aloga o le'a tausinio ai Samoa o le, afeleti, sisiiga uamea mamafa, tenisi. ta polo, Volipolo, ma isi. E iai le talitonuga a le pulega ua lava tapena le 'au ta'a'alo a Samoa mo lenei fa'amoemoe i le faaiuga o le masina nei. Na momoli foi le fa'amanuiaga a le malo o Samoa e tauala atu i le tamaitai Palemia Hon Fiame Naomi Mataafa e tusa ai ma le fa'asauni atu ai i nei fa'amoemoe o taaloga laiti a le Pasefika 2022. Lisi o le 'au ta'a'alo filifilia ma le pulega. Afeleti: Donny Tuimaseve-Mens Javelin Kelvin Masoe-Mens 100m, Long Jumb and 4*100m Johnny Key-100m,200m,4-100m & 4*400m Kolone Peter Alefosio-110m Hurdles, Long Jumb William Hunt-100m,200m,4-100 relay,4*400m Livingstonerick Savaiinaea-110m hurdles,400m hurdles, 4*400m. Jireh Ottio Westerlund-110m hurdles, 400m hurdles,4*400m relay. Pesamino Iakopo-100m, 4*100m realy. Beach Volleyball: Eneliko Tui-Mens pair Utuva Palota-Mens pair Golf: Lio Vui-Mens Golf Faith Vui-Womens golf Tennis: Leon So'onalole- Mens team event, singles, doubles&mixed Kristen Pavitt-Mens team event, singles, doubles&mixed. Eleanor Schuster-Womens team event, singles, doubles&mixed. Mahina Warren-Womens team event, singles, doubles&mixed Weightlifting: Iuniarra Sipaia-Womens 87+kg Lesila Fiapule-Womens 87+kg Imoasina Pelenato-Womens 87kg Tovio Ah Chong-Mens 84kg Faustina Niusila Opeloge-Womens 81kg Avatu Opeloge-Womens 76kg Team Management: Sula Tagifano Soonalole-Sam Chong-Chef De Mission Henrietta Aviga Merciette-COVID Officer. Kosetatino Tuionetoa-Sports Massage. SASNOC President- Pauga Talalelei Pauga.

10 Iuni 2022 O le taeao ole aso Faraile 10 Iuni 2022 na faia ai se sauniga e amata ai le fa’aaliga a le au fai faatoaga ma le au failafumanu a le afioaga o Letogo aemaise o le sauniga lava foi lenei sa faatinoina ai male faamanatuina o le tutoatasi a Samoa. O le alii Minisita o le matagaluega o Faatoaga ma Faigafaiva ia Laaulialemalietoa Polataivao Fosi Schmidt na saunoa e momoli le faamalo ma le faafetai i le pulega a alii ma faipule o le afioga o Letogo. O fua o faatoaga o lafumanu ma nisi o atinae eseese e pei o ie vaivai ma nisi o meataulima na molimauina i lenei faaaliga. I le faamoemoe o le matagaluega o Faatoaga ma Faigafaiva e pei ona taua e le alii Minisita, o se taumafaiga ia unaia le ola male soifua galuelue o tagata o le atunuu. E le gata e faamaite e le malo ae e iai foi auala e feosoasoani ai le malo ina ia mafai ona maua ni faitotoa mo maketi i atunuu i fafo e auina atu ai fua o faatoaga poo lafu manu foi a tagata Samoa o lo’o galulue mo atinae nei tau faatoaga. Na saunoa foi le tofi o le afioaga poo le pulenuu e faafetaia le faamaite ma le lagalaga a le matagaluega o Faatoaga ma Faigafaiva ina ia toe fafagu mai pea le galulue o tagata e fa’aaoga ai eleele ma fanua. Na faamatu'u pe faameaalofa atu foi e le matagaluega o faatoaga ma faigafaiva mea faigaluega e pei o uilipaelo, fagavao, agaese ma isi mea faigaluega e aoga mo faatoaga ina ia fesoasoani ai i le au fai lafumanu male aufaifaatoaga aua atina'e eseese.

10 Iuni 2022 Ua toe taofia e le matagaluega o leoleo se alii mai Lotopa ina ua toe maua i sailiga a leoleo le faatinoina pea e lenei alii o soligatulafono e ala ile faatauina ole fualaau faasaina ole 'aisa mole faamoemoe e maua ai le seleni. E lima tausaga na nofo falepuipui ai lenei alii, ma e lei leva ona toe tatalaina i tua ae olea ua toe maua neu e le matagaluega o leoleo nisi foi o ana soligatulafono sa loka muamua ai foi. E 5.114kalama ole 'aisa na mauaina e leoleo, o mariuana, ole meatotino e ula ai le 'aisa poo le paipa, o tinoitupe Samoa e $924.50 , $374 tupe Amerika, ole $90 tupe Ausetalia male $20 tupe Niu Sila. Na aoina foi e le matagaluega o leoleo telefoni, komepiuta, tusifolau Niu Sila, Filifili ma tautaliga 'auro aemaise o se taavale o le tituaiga ole VOLVO e tusa lona tau aofa'i male $60 afe tala. Taua e le sui komesina o leoleo ia Auapaau Logotino Filipo, o lo’o sailia pea e le matagaluega ni isi o i latou o lo’o iai se feso’otaiga ma le faia o lenei gaioiga faasolitulafono. O le tatalo a le matagaluega o leoleo ina ia mafai ona galulue faatasi leoleo ma pulega alii ma faipuile aemaise o so’o se tasi lava e maua ni tala o soligatulafono ina ia agai atu e logoina le matagaluega. O le aso 20 Iuni 2022 o lea tulai ai lenei alii e tali i ona moliaga i luma ole faamasinoga ma e iai foi le faamoemoe e ono iai ni faasalaga fa’aaopoopo i lenei alii ona olea sa loka muamua ae peitai e foliga mai e leai se salamo i nei faasalaga.

9 Iuni 2022 Ua leva ona talia e le atunuu mo le masini mo fa'ata fa'apitoa (CT SCANNER) peitai o lea ua fa'ailoa mai e le matagaluega ole soifua maloloina olea ua maea ona faapipii ina ma olea foi ua mafai nei ona faatinoina ai ni siaki faapitoa mo gasegase manaomia ai ni fa'ata(scan). O gasegase i luga o le lisi faʻatali ma faʻalavelave faʻafuaseʻi o le'a ave i ai le faʻamuamua ma olea foi ua maea ona tuʻuina atu aloaia e le Faʻalapotopotoga o Taui mo Faalavelave tutupu Faʻafuaseʻi lea masini e pei ona faʻatupeina e le malo e tusa lona tau ma le $1.5 miliona tala Amerika, iai nei foi le faamoemoe o lea faatinoina suʻesuʻega e faaaogaina ai lenei masini e le Matagaluega o le Soifua Maloloina e faʻamoemoe e faia aʻo leʻi oʻo i le faaiuga o le masina. Ua lata i le lua tausaga o leai se CT scanner a Samoa ma o le mafuaaga lea ua siitia atu ai gasegase i Niu Sila poo Amerika Samoa mo suesuega ma fa'ata faapitoa. E pei ona lipotia mai, o lo o taofia pea le fuafuaga i le va o Samoa ma Amerika Samoa, ona o le faaletonu o le CT scanner i le falema’i i Fagaalu LBJ. O ata su'esu'e CT e maua ai fa'amatalaga e sili atu ona au'ili'ili nai loo fa'ata masanai (X-RAYS).

9 Iuni 2022 Na fa'ataunu'uina le Talomua a Falelauniu-tai i le taeao o le Aso Lulu, 8 Iuni 2022. Na faatumulia le afioaga o Falelauniu i ni isi o fai lafumanu ma le au faifa'aotaga aemaise o le atunuu ma sui o le malo e molimauina fa'aaliga eseese o faatoaga, fualaau faisua, fuala'au 'aina fa'apea la'au teuteu. Na saunoa le susuga ia Pastor Tavita e fai ma sui o le komiti fa'afoe e faafetai i le Malo mo le lagolago faifaipea e ala i le Matagaluega o Faatoaga ma Faigafaiva. Na ia ta’ua o le a latou fa’aauau pea le atina’eina o a latou fa’ato’aga e lagolago ai le latou nu’u. O le Minisita o Faatoaga ma Faigafaiva, Afioga La’aulialemalietoa Leuatea Polataivao Schmidt na momoli ina le faamalo i le nuu o Falelauniu mo le tu'ufa'atasia o lenei fa'aaliga mo le au faifa'atoaga. Na ia fa'amautinoa atu foi i le afioaga le galulue faatasi ai o le Malo ma le aufaifaatoaga a Falelauniu-tai ma le faamoemoe ina ia saga manuia ai le atunuu i tulaga tau atinae. Na maua le avanoa a le au fai faatoaga a Falelauniu-tai e latou te fa'ameaalofainaai fua o faatoaga eseese mo le Malo e fai ma faailoga o lo latou talisapaia o nei faamanuiaga ma lenei faama'ite. O nei meaalofa uma na mulimuli ane foa’i atu mo le au matutua i Mapuifagalele i Vailele . Na saunia e le Matagaluega o Faatoaga ma Faigafaiva meafaigaluega ma meafaigaluega tau faatoaga, fatu ma fatu o fuala'au 'ese'ese e fai ma vaega o la latou sao lagolago i fa'ato'aga e ta'ita'ia e nu'u ma afioaga.

Na saunoa le minisita ole Va i Fafo, sa faafofoga foi le Malo fou ua tulai mai nei a Ausetalia i faitioga ma atugaluga na laga e nisi, ma o se tasi o ia mea o le faigata lea i tagata ona ave o latou aiga i Ausetalia. I lena itu, ose tasi lea o vaega o faiga faavae ale faigamalo ua iai nei ole toe faatulagaina o visa mo tagatanuu ole pasefika e mafai ai e tagata pasefika e iai ma Samoa ona auina atu faatasi ma tagata faigaluega ole'a maua avanoa mo Ausetalia. I le taimi nei, o isi talosaga na faatu mai e le Malo fou o Ausetalia e aofia ai; • o tau o femalagaaiga a tagata Pasefika mai fafo e totogi e le malo, ae le'o le totogi e tagata faigaluega ma tagata faigaluega. • fa'atagaina tagata faigaluega Pasefika e aumai o latou aiga O le masina na te’a nei na fa’ailoa ai e le Minisita o Pisinisi, Alamanuia ma Leipa Leatinu’u Wayne So’oalo i le Palemene e fa’apea, e silia ma le 200 tagata Samoaua soli tulaga o tulafono mo galuega fa’avaitaimi i tulaga o a latou konekarate faigaluega i fafo, ma olea na toe fa'afo’i ma ai i le atunu’u e aofia ai ma i latou ua toe fai o latou 'aiga a'o iai i galuega poo latou ua fai ta'itoalua ae oloo iai latou taitoalua ma fanau i Samoa nei. E ui lava i faʻalavelave faʻale-agafesootai, ae oloo famauina lava tala ole tele o nisi o faamanuiaga sasaa mai mo Samoa ua mafai ona faamanuiaina ai aiga e pei o taavale, fale ma ni isi o atina'e eseese .

8 Iuni 2022 Na maua le avanoa a le taitai o le malo o Fiti ia Frank Bainimarama e faafeiloai ai se asiasiga fa’aaloalo mai i le tatou atunuu o Samoa e pei ona malaga atu ai ai le tamaitai Plaemia, Afioga Fiamē Naomi Mata‘afa, i le taeao o le Aso Lua 07 Iuni 2022. Na faafeiloaia e le Palemia o Bainimarama le Palemia o Samoa ia Fiame Naomi Mataafa mo lana uluai asiasiga aloaia i Fiti, ma toe faamautu ai le naunautaiga o le atunuu e galulue so’oso’otauau ma Samoa i le unaia o le lotogatasi faaitulagi. Na ia fa’afetaia le malo o Samoa i le fa’avaeina o le Komisi Maualuga fou a Samoa i Suva, lea na tatala i le afiafi ole Aso Lua 7 Iuni 2022. Ta'ua e Frank Painimarama o le taua o lenei faamoemoe aemaise o le ofisa fou o le Amepasa o le malo o Samoa tutoatasi i Fiti ua ua so'ona fa’amalosia ai so’otaga a malo e lua, ma le naunau e le maluelue e fausia faiga-pa’aga malosi mo le atina’eina o le tatou itulagi o le Pasefika. Na talanoaina e taʻitaʻi o malo e lua le galulue faatasi i mea e ave i ai le faamuamua, aemaise lava i vaega o suiga o le tau, ogasami, toe faaleleia o le tamaoaiga, fefaʻatauaʻiga ma tupe teufa’afaigaluega ma isi aunaunauga. Na fa'asoa fo'i manatu i lu'itau fa'alelalolagi o lo'o i ai nei ma auala e mafai ai ona galulue fa'atasi malo e lua e fa'alautele atili le atina'eina o le tamaoaiga i atunu'u uma e lua, ma fa'alauteleina le maualuga o le felagolagoma'i fa'aitulagi. Sa talanoaina foi le faiga fa’apaaga a Fiti ma Samoa i le agai atu i le fono tele o le tau COP27, lea sa faatulaga ia Novema. I lona tulaga o le ta’ita’ifono a le Pasefika, na faasoa ai le Palemia o Bainimarama i nisi o mataupu o lea talanoaina i le fono a taitai o lo o loma ua faatulaga ia Iulai o le tausaga nei, lea e faamanatu ai e le Pasefika le 50 tausaga o le faigamalaga faaitulagi o le Pasefika ma faalauiloa ai le 2050 Strategy of the Blue Pacific Continent . O le tali a le Palemia o Mata‘afa na ia faafetaia ai le Palemia o Bainimarama mo le agaga talimālō, ma le avanoa e talanoaina ai mataupu tāua mo Fiti ma Samoa ma le itulagi.

8 Iuni 2022 Ua faailoa nei se fuafuaga o le'a toe faataunuuina ma toe fa’aauau ai le faatinoina o tuuga fautasi mo lenei tausaga ao iai pea Samoa i le faamanatuina ole tutoatasi po’o lona 60 tausaga. Ua aumai nei se faasilasilaga a le matagaluega o leoleo mo afioaga ma alalafaga e faamoemoe e fia tauva i le tuuga fautasi po’o faagatama ile tai o lenei tausaga ina ia faia se fonotaga ma le matagaluega e faataatia se auivi o lea taoto ai lenei faamoemoe mo le atunuu. O le tuuga fautasi o se tasi nei o faagatama ile tai sa molimauina i le tele o tausaga ua tuanai i le faamanatuina o le Tutoatasi po’o le faamanatuina foi o le Teuila i Samoa, peita'i ua silia nei male 5 tausaga talu ona le'i toe fa’ataunuuina lenei taaloga ile tai. O lenei foi taaloga sa lauiloa ai le tele o nisi o afioga ma alalafaga i faamoemoe tetele faapenei, ma e masani lava fo'i ona masii mai ai nisi o 'au vaa mai Amerika Samoa e faapena foi ona iai taimi e malaga ai foi au vaa a Samoa Tutoatasi i faamoemoe pei o sisigafu'a a le malo o Amerika Samoa i tausaga ua tuana'i. O nisi o mafuaaga na mafua ai ona taofia i nai tausaga lei mamao atu nei faamoemoe mo tuuga fautasi ona ole utiuti o seleni e faamatuu ina atu ise fautasi ase nuu ole'a manumalo. Ae peita'i ile tulai mai ai ole faigamalo ua iai nei, ua manatu ai e tatau ona toe fa’aauau pea lenei taaloga lauiloa i Samoa.

O lo'o fa'aauau pea ona fa'atino feiloa'iga a le Matagaluega o Tina ma Tamaitai ma komiti o Itumalo fa'apalota e 51 e ala i le maliliega mo le fa'amatuuina atu ole ta'i $200,000 o le vaega muamua o le poloketi mo itumalo lea e tusa lona fa'atupeina i le $1 miliona i le tausaga i lenei nofoaiga 45 tausaga. E to'a 14 ni isi o itumalo ua mae'a mei ona resitara e fa'aopoopo atu i le isi 18 na resitara muamua. O le taimi nei olea ua o'o atu le aofai o itumalo ua resitaraina ile 32 mai ile aofaiga o itumalo faapalota e 51. O le fa'amoemoe e fa'amatu'uina muamua le vaega tupe e $200,000 ina ia: 1. Fausia ma fa'amaopoopo ai Komiti fa'atonu o le itumalo 2. Fausia o ofisa 3. Ma le sailia ai o tagata faigaluega mo poloketi a le itumalo. Ua toe fa'amanatu mai ai fo'i e le ofisa sili ole Matagaluega o Tina ma Tamaitai ia Dr Mema Motusaga le taua o lenei poloketi, ma o lo'o manaomia ai lava le galulue ai o komiti filifilia o itumalo taitasi ina ia faaulu atu vaega manaomia mo talosaga pe afai e lei resitaraina mo lea fa'amoemoe. O nei fuafua ua tapenaina mo itumalo fa'apalota taitasi e fa'amoemoe e fa'aleleia atina'e gafataulimaina i totonu o nu'u fa'aitumalo ina ia maua le fa'aleleia atili o mea e ola ai ma sili atu taunu'uga tau tamaoaiga fa'aagafesootai mo le manuia o atina'e mo le itumalo 'atoa.

7 Iuni 2022 E to'alua ni isi o fa'auluuluga o faalapotopoto ma matagaluega ale malo ua toe tofia nei e le Kapeneta mo leisi 3 tausaga e taitaia nisi o matagaluega. O le fa'alapotopotoga o Eleele tumaoti ale Malo (SLC) ua toe tofia ai Ulugia Petelo Kavesi e avea ma Pule Sili mo le isi tolu tausaga. O le tofa ia Ulugia ua 30 tausaga ole auaunaga ile atunuu. Sa amata lona soifua tautua ile Iunivesite ole Pasefika i Alafua(USP) ma fa'asolo mai ai ile Malo ile Pulega o Tagata tafafao maimoa mai Fafo(STA) ae faapea foi ile Ofisa o taui o Fa'alavelave Faafuasei a Samoa(ACC). Ile 2016 na ulua'i filifilia ai Ulugia ile Pule Sili ole Faalapotopotoga se'ia oo mai ile taimi nei, ma olea ua faamauina ole tolu ai lea o ana nofoaiga sosoo ilenei tofiga. O Ulugia oloo umia nisi o faailoga maualuluga e pei ole Master of Arts i Atina'e faatasi ai male Master of Business Administration mai ile Iunivesite ole Pasefika. O le isi tofiga ole Matagaluega ole Va i Fafo ma Fefaatauaiga, olea ua toe tofia ai le afioga ia Peseta Noumea Simi. Ua silia i le 40 tausaga talu ona auauna le afioga iā Pesetā i le atunu’u. Sa amata lona soifua tautua i le Ofisa o le Palemia i le 1979 ma fa’asolo atu ai i le Ofisa o le Va i Fafo, ae fa’apea fo’i i le Matāgaluega o Tupe i le tele o tausaga. O le 2015, na mua’i filifilia ai i le tofiga o le Ofisa Sili o le Matāgaluega o le Va i Fafo ma Fefa’atauā’iga ma o le tolu ai nei o nofoā’iga ta’itolu tausaga, o avea pea Pesetā Noumea Simi ma Fa’auluuluga o lea Matāgaluega. Sa a’oa’oina le afioga ia Pesetā i Samoa nei ma fa’aauau atu ai i Niu Sila ma Ausetalia. O lo’o ia umia le fa’ailoga Tikerī mauāluga, o le Master of Business Administration mai le Iunivesite o New England, i Ausetalia.

7 Iuni 2022 O le Aso Sa 5 Iuni 2022 na malaga atu ai le Tama'itai Palemia o Samoa le afioga ia Fiame Naomi Mataafa i Niu Sila i nisi o fonotaga faalemalo. Ae lei agai atu le tamaitai palemia i ana fonotaga e pei ona fuafuaina, na maua le avanoa e auai atu ai ile faamanatuina o le tutoatasi o Samoa e pei ona faamanatuina ile malo o Niu Sila ile taeao o le Aso Gafua 6 Iuni 2022. Na molimauina le faatumulia o le fale Samoa i Magele ile sauniga faapitoa, sa amata i Savali e pei ona masani ai, ona sosoo lea male sauniga lotu. I le maea o le sauniga lotu ona sisiina lea o le tagavai o Samoa e pei ona sisiina e le alii Minisita o tagata Pasefika ia Aupito William Sio. O se fiafiaga na i tagata nuu o Samoa i Aotearoa ona ole maua ole avanoa fa'aauro e auai ai le tamaitai Palemia i lenei fa'amoemoe taua. O le faigamalaga a le tamaitai Palemia o lo'o auai faatasi atu male afioga ile alii Minisita o Pisinisi Alamanuia ma Leipa ia Leatinuu Wayne Sooialio, fa'auluuluga ole matagaluega o le Va i fafo ia Peseta Noumea Simi aemaise o le Ofisa Sili o le ofisa o le Palemia male Kapeneta le fetalaiga ia Agafili Tomaimano Shem Leo. Ua iai le faamoemoe o lea mafai foi ona auai atu le tamaitai palemia i le tatalaina aloaia ole ofisa o le konesula o Samoa i le malo o Fiti i lenei vaiaso.

7 Iuni 2022 Tusitala: Vaai Nah Folasa. Ua fa'amaonia mai nei ele kapeneta le filifilia ai ole Ofisa Sili fou o le matagaluega o Galuega, Felauaiga ma Galuega tetele ale Malo ile Aso Gafua 6 Iuni 2022. O le afioga ia Fui Tupa'i Mau Simanu ose tamalii ua iloga foi le tautua ile malo o Samoa e ala i ona agavaa ua faauuina ai mai aoga maualuluga, e tofia nei le afioga ia Fui ua 28 tausaga ole tautua ile atunuu e ala lea ile malo. Na amata lana tautua ole faiaoga ole matata eseese ile 1994, ma fa'aauau ai ile Iunivesite Aoao o Samoa (NUS) seia oo atu ile 2010. Mai ile tausaga e 2010 e oo mai ile aso, oloo tautua pea Fui mo le malo o Samoa e ala ile Faalapotopotoga o Malosiaga tau Eletise(EPC) Olo'o umia e Fui fa'ailoga maualuluga ole Master in Engineering Management mai ile Iunivesite o Tekonolosi i Sini, Ausetalia. PC: Facebook