Search Results

7 Iuni 2022 Na feiloa'i le afioga i le Minisita o Faatoaga ma Faigafaiva, Afioga Hon. La’aulialemalietoa Leuatea Polataivao Fosi Schmidt ma le Pule o le Iunivesite o le Pasefika i Saute, Polofesa Pal Ahluwalia, e su’esu’e ma fa’alautele fuafuaga tau atina’e fa’ato’aga, i lalo o se sainiga lima ole maliega lea na aloaia i le 2019 i le va o le Iunivesite ma le Matagaluega. O lenei feagaiga sa sainia o lo'o iai nei o lo'o aofia ai faiga fa'apa'aga i a'oa'oga, su'esu'ega, fa'apea fo'i le galulue fa'atasi o tagata lautele e lagolago ai mana'oga eseese o le gaosiga o oloa mai ia tatou lava faatoaga oloo galulue ai le au faifa'ato'aga male au fai lafumanu. O lenei la sainiga lima na faia ile Ao Gafua 06 Iuni 2022 o le aloaia lea o se faʻaopoopoga e atagia ai le suiga o le igoa o le Iunivesete, mai le School of Agriculture and Food Technology (SAFT), i le Discipline of Agriculture and Food Technology (DAFT). Na fa'amalosia e itu e lua le galulue fa'aauau ma le fa'apa'aga moni e fa'aleleia atili le atina'eina o fa'ato'aga ma faigafaiva i Samoa mo taumafa gafataulimaina aemaise o le saogalemu o tupe maua i Samoa.

7 Iuni 2022 Ua maea le faiga filifiliga a le itumalo fa’apalota o Gagaifomauga numera 2 e pei ona faataunuuina ile vaiaso ua tuanai i le aso 3 ole masina o Iuni 2022 i Salafai. O le taunuuga o lenei faiga filifiliga ua filifilia ai nei le afioga ia Foisala Lilo Tuu Ioane e avea ma sui faipule o le itumalo. O Foisala Tuu Ioane sa tamo'e o ia ose sui tutoatasi i le faigapalota laitiiti, e 441 palota na mauaina lea e Foisala Lilo Tu'u Ioane. I le maea ai o le faigapolta laitiiti ua avanoa ai nei le afioga ia Foisala e agai ai mose vaega fa’ aupufai ua ia filifilia e tatau ona agai iai , ma ua manino lava o le afioga ia Foisala ole a agai il e vaega faaupufai ale Faatuatua ile Atua Samoa ua Tasi. O isi suitauva e aofia ai Sooalo Poka sa tauva i le fu'a ale Vaega Faaupufai e puipuia aia tatau a tagata le HRPP e 380 palota na ia mauaina, o le sui tutotasi o Falesaopule Vaialia Iosea na mauaina palota e 274 ao le sui faatu ale Faatuatua ile Atua Samoa ua Tasi ia Lomia Moafanua Siaaga sa maua palota e 259. O le afioga ia Foisala ua suitulaga nei i le sui ole itumalo sa tulai i le tofi ia Vaele Sekuini Paiaaua ona ua fai i lagi le folauga. PC: Facebook (Foisala Tuu Ioane)

7 Iuni 2022 E tolusefulu (30) aiga fou e iai aafiaga tumau ole Soifua (PWD) i Savaii Faasaleleaga ma Palauli na maua alaga'oa e amata ai atinae ma nai pisinisi laiti i se sauniga sa faia ile Ofisa o le Matagaluega o Tina ma tamaitai Atinae o Nuu ma agafesootai i Salelologa i le aso (2 Iuni 2022). O le polokalame o pisinisi laiti (SBI) ose polokalame ua mamanuina ma faatino e le Matagaluega e ala i le Vaega mo le Faamalosia o le Tamaoaiga i Nuu ma Afioaga ma le faamoemoe e maua ai e aiga e vaivai le tamaoaiga i Samoa le avanoa e faavae ai ma faagaoioia atinae gafataulimaina e maua ai tupe maua. E ui o le polokalame o loʻo faʻatatau i aiga tau atia'e i i totonu o nuʻu ua filifilia e ala i Suʻesuʻega a le Matagaluega,ae ua ose polokalame a le SBI ua mafai ona faʻalauteleina i aiga e iai tagata e iai aafiaga tumau ole soifua. O lo'o mulimulita'ia e le polokalame le fa'avae a le Matagaluega o Tina ma Tama'itai fa'avae atina'e fa'atasi ina ia mautinoa o lo'o a'afia uma vaega e aofia ai ma i lstou e iai aafiaga tumau ole soifua ma fa'amanuiaina mai nei taumafaiga. E lē gata i lea, o lo'o fa'amalosia ma fa'atauaina le agava'a o i latou e iai aafiaga tumau ole soifua e fesoasoani i le fa'aitiitia o le mativa ma le fa'atupulaia o le tamaoaiga i totonu o aiga, nu'u ma Samoa atoa. Na fa'afetaia e le Matagaluega le lagolago a le DFAT Ausetalia e ala i le Samoa Disability Partnerships Program (SDPP) i le fa'atupeina o galuega uma i lalo o le SBI Program mo latou e iai aafiaga tumau ole soiufa.

3 Iuni 2022 Tusitala: Vaai Nah Folasa. Ua maea nei ona fa'alauiloa le lisi ole Manu Samoa 15 mole taamilosaga ole Pacific Nation Cup lenei e faamoemoe e faia i totonu ole atunuu o Fiti ile masina o Iulai 2022. E toa tolusefulu alo ma fanau a Samoa ua mafai ona filifilia e fai ma avefu'a a Samoa i lenei ta’amilosaga, e sefulu lua ni sui fou ua piki ina ele alii faiaoga ia Vaovasamanaia Seilala Mapusua. O le ta’amilosaga lenei ole'a auai ai atunuu o Ausetalia, Toga(Tonga) ma Fiti, ma ole tausaga lenei ua mafai ona toe faaauauina ai lenei Taamilosaga talu mai le 2019 ile pepesi ai ole fa'amai ole Koviti 19 ile lalolagi. Ole lisi nei o alii taaalo ua filifilia nei molea taamilosaga: 1 Nigel AH WONG * Alafua & Vaiusu 2 Michael ALAALATOA (Capt) Fasitoo-Uta & Matatufu 3 AJ ALATIMU Avao & Afega 4 Michael CURRY * Vaoala & Faatoia 5 Ereatara ENARI * Vaiala & Nofoalii 6 Sef FAAGASE * Paia & Tuanai 7 Auvasa FALEALII Letogo & Gagaifo Lefaga 8 Marco FEPULEA'I * Matautu-Uta & Alamagoto 9 Ed FIDOW Nofoalii & Paia 10 Neria FOMAI Magiagi & Lepuiai Manono-Tai 11 Rodney IONA Pata Falelatai & Iva 12 Jack LAM Malie & Gataivai 13 Seilala LAM Malie & Gataivai 14 Fritz LEE * Solosolo & Vailele 15 D’Angelo LEUILA Gataivai & Fagalii 16 Theodore MCFARLAND Moamoa & Salelologa 17 Alamanda MOTUGA Sataoa & Saanapu 18 Raymond NIUIA Saipipi & Saanapu 19 Duncan PAIA’AUA * Satupaitea & Mutiatele 20 Aki SEIULI * Pata Falelatai & Sapunaoa 21 Samuel SLADE Sapunaoa & Vailoa Palauli 22 Henry TAEFU Samatau & Siufaga Falelatai 23 Jordan TAUFUA * Neiafu & Salailua 24 Jonathan TAUMATEINE Nofoalii & Satapuala 25 Henry TIME-STOWERS Tafagamanu & Saleaumua 26 Danny TOALA * Lotofaga & Faleasiu 27 Andrew TUALA * Lefaga & Sapapalii 28 Kalolo TUILOMA Sapunaoa & Lalovaea 29 Lolagi VISINIA * Afega & Safaatoa Lefaga 30 Chris VUI Foailuga & Saasaai O le ta'aloga muamua a le Manu Samoa o lea ta’aalo ai ma le Au a Ausetalia i le Aso Toona 2 Iulai 2022, o le Aso Toonai 9 Iulai olea ta’aalo ai ma Toga ae o le taaloga mulimuli o lea faapena ona ta'aalo ai male au a Fiti ile aso 16 Iulai 2022.

3 Iuni 2022 Tusitala: Vaai Nah Folasa O le Aso Faraile 3 Iuni 2022 na tatala aloa'ia ai le fale po’o le nofoaga fo'i mo siaki fa'afoma'i a le Iunivesite Aoao o Samoa. O lenei fale ua faia fa’apitoa mo alo ma fanau a le Inuvesite, na saunoa le Peresetene ole Iunivesite ia Dr Alec Ekeroma, talu ai ona ole tulaga pepesi o le faamai ma lona mataituina. Ua manatu ai nei Iunivesite ina ia fai se nofoaga mo fanau aua a latou siaki. E 5 aso ole a faapea ai ona tiute ai le tausi soifua mo gasegase poo ni siaki foi mo fanau lava a le a'oga. Mo le silafia o le afioga i le Peresetene o le Iunivesite o se tasi fo'i o tamalii e iai lona tomai fa’afoma'i, ma ua ia fa’ailoa o le a mafai ona ia fesoasoani ai mo lea fale aua fanau pea manaomia ni siaki fa’afomai masani. O lenei Nofoaga ose fale tuai ae ua toe fa’afouina ona potu ma tu’u iai laulau ma moega ma nisi vaega e manaomia mo siaki o fanau.

3 Iuni 2022 I le mae'a ai o nisi o taamilosaga o le taaloga lakapi taitoafitu a le HSBC na auai ai le au taitoafitu a le atunuu i le atu Europa na maua le avanoa e toe taliu ane ai i Niu Sila ile vaiaso nei e malolo ai ona sauni lea mo le taamilosaga mulimuli o le lakapi taitoafitu a le Lalolagi e faia i Amerika i le masina o Aukuso. O le aumai ai i Niu Sila mo sina taimi, na maua ai ma le avanoa e faatinoina ai se sailiga tupe aua latou tapenaga mole taamilosaga mulimuli lenei. I lenei sailiga tupe sa faia i Niu Sila ile po ole Aso Tofi, ua faamanatu faatasi ai foi male aulia ai e Samoa o lana 60 tausaga talu ona tutoatasi mai i pulega a ni isi o Malo. Na faatumulia le Fale Samoa i Magele ile mamalu o le atunuu aemaise o tamalii faipisinisi na lagolago ina le faamoemoe ale Manu Samoa. I le seleni lava ia na maua lenei sailiga tupe e $26,000 Niu Sila ma ose fiafiaga lea ile alii faiaoga aemaise ole aumalaga uma ale Manu Samoa ona ole nei fesoasoani tau seleni ole'a mafai ona tapena ai le au ale atunuu mo le taamilosaga mulimuli e faia i Amerika ile Masina o Aukuso 2022. I le mae'ao o vae e 4 o lea taamilosaga na mafai ona taaalo ai le au Manu Samoa o lo’o ua tulai mai ai nei lona tulaga ile numera 10. O ni isi o pisinisi na lagolagoina lenei faamoemoe taua ma o pisinisi foi e pulea tamafanau a Samoa e aofia ai: Pacific ezy Pacific 40 (Talofa voucher) Maketi Samoa Bluwave Galumoana Limited Digicel Martin Hautus Kulstuff trading limited Moana Rentals Jayven Global Freight (JVF) Ben’s piano & furniture carriers E mafai ona e maimoa le live i le sootaga lea

3 Iuni 2022 Na fiafia Samoa i le fa'afeiloaia ai o le Minisita fou o le Va i Fafo a Ausetalia, le Senator Hon Penny Wong, mai le aso 2 i le aso 3 Iuni 2022 i lana asiasiga lona lua i le Pasefika i le avea ai ma minisita o le Va i fafo. I lana asiasiga, na maua ai e le Minisita o Wong le avanoa e feiloai ai ma le Ao o le Malo, le afioga Tuimalealiifano Vaaletoa Sualauvi II ma le Afioga i le Palemia Fiame Naomi Mata’afa ma fa'afofoga i avanoa ma luitau o loo feagai ma Samoa. I le avea ai o se uo mamae ma se paaga, na ofoina atu ai e le Minisita o Wong le faamalo a Ausetalia i tagata o Samoa i le faamanatuina o le 60 tausaga o le tutoatasi i le aso 1 o Iuni. Na talia fiafia e le Palemia Fiame le tautinoga a le Malo o Ausetalia i auala e lagolago ai e Ausetalia taumafaiga mo le foia ai o fesuiaiga ma'aleale ole tau ma faalogo fo'i i atugaluga o lo'o feagai ma tatou tagata Pasefika. Na fiafia le Minisita Wong e fa'ailoa se faigapa'aga fou e valu tausaga i le va o Ausetalia ma Samoa e fa'atatau i ana fa'amuamua i le atina'eina o tagata ma tulaga fa'aagafesootai. O lenei faiga faapaaga fou ua faaigoaina ole, ‘Tautua – Atina’e o Tagata mo Tagata Uma’, o le a taumafai e una’ia gaioiga fa’atasi i le soifua maloloina, a’oa’oga, mana’oga fa’apitoa ma le puipuiga lautele, e fa’atatau i vaega e sili ona taua mo Samoa. O le fausia o se faiga fa'apaaga e 30 tausaga i le puipuiga o le gataifale, sa fiafia foi Ausetalia e faamalosia lana lagolago mo le mataituina ai e Samoa o ona lava ogasami e ala i le tuuina mai o se Vaa Leoleo . O le va'a fou o le a tu'uina mai i totonu o le isi 12 masina. Na feiloai le Minisita Wong ma sui o le Kapeneta a Samoa ma vaega tumaoti ma taitai o nuu e faafofoga i manaoga o Samoa mo lona lumanai ma auala e mafai ai ona tatou galulue faatasi ina ia mautinoa le malosi ma le manuia o le Pasefika. Sa ia maua foi se avanoa e fa'afofoga ai i luitau ma manuia mo aiga Samoa i lalo o polokalame a Ausetalia mo femalagaiga ma taumafai e faamautinoa le faaauauina o tulaga e manuia ai Samoa ma Ausetalia.

2 Iuni 2022 Tusitala: Vaai Nah Folosa Ua faailoa mai e le afioga i le Minisita o Tupe, le afioga ia Mulipola Anarosa Ale Molio'o, tau fou o le suau'u e afua atu i le Aso 1 Iumi 2022. Na saunoa le afioga i le Minisita o Tupe, o le a si'itia le tau o le penisini i le 39.98 sene mai le $3.34 i le $3.74 sene ile lita, ole tiso o le'a si'itia i le 68.71 sene mai le $3.30 i le $3.98 i le lita, ma le Karasini ole'a siitia ile 65.81 sene ile lita mai le $2.87 ile $3.53 sene i le lita. Na ta'ua e le Minisita o Tupe, o afiaga o le taua i le va o Lusia ma Ukraine ua avea lea ma mafuaaga ua atili fa’atupula'ia ai le si'itia o le tau o Suauu e lei faamamaina faatasi ai ma oloa tau suauu, ma oloo i ai atunuu o le lalolagi e mafai ona aloese mai nei siitaga ma aafia ai o latou tamaoaiga e aofia ai ma atunuu o le Pasefika e pei o Ausetalia, Niu Sila ma Fiti.

2 Iuni 2022 O le taeao o le Aso Tofi 2 Iuni na taunuu mai ai i fanua le faigamalaga a le Minisita ole Va i Fafo a Ausetalia le tamaitai o Penny Wong. O le malaga mai a Penny Wong i Samoa o lea fa’atalanoaina ai le faamalosia lea ole fa’apaaga o malo e lua. O le malaga lona lua lea a le tamaitai Minisita i le Pasefika talu ona maea fa’atautoina i le vaiaso ua te'a. O le mau tau'ave a lenei tamaitai Minisita o le fa’alogologo lea i manaoga o taitai o atunuu o le Pasefika o’o a ni vaega e manaomia ai ona fesoasoani mai le malo o Ausetalia mo Samoa. "Oute malamlama e manaomia lava lo tatou galulue faatasi mo o tatou tagata ma augatupulaga faimai" Penny Wong. "Matou te manana'o e faia se sao tulaga ese a Ausetalia e fesoasoani ai i le fausiaina o se aiga Pasefika malosi - e ala i avanoa lautele ma le tamaoaiga e aofia ai le toe fa’aleleia o falema'i, soifua maloloina, atinae tetele, faapea foi ma a tatou polokalame o tagata Pasefika ma femalagaaiga tumau. O le a faʻateleina la matou sao i le puipuiga faʻaitulagi: matou te malamalama o le saogalemu o le Pasefika o le matafaioi a le aiga Pasefika, lea o loʻo i ai Ausetalia. O le a tatou tutu so’oso’otauau ma lo tatou aiga Pasefika i le tali atu i le tulaga lamatia o suiga o le tau. Ma o le a tatou fa’alolotoina so’otaga fa’aleaganuu ma taaloga. I Samoa o le a ou feiloai ai i le Ao o le Malo, le afioga Tuimalealiifano Vaaletoa Sualauvi II ma le Palemia le Afioga. Fiame Naomi Mata’afa. O la’u asiasiga e fetaui ma le 60 tausaga o le Tuto’atasi o Samoa i lenei vaiaso. I Toga (Tonga), o le a ou feiloai ai ma taitai e aofia ai le Palemia le Afioga Hon. Hu’akavameiliku ma le Minisita o le Va i Fafo Hon. Fekitamoeloa ‘Utoikamanu. Sa faia e Ausetalia se sao taʻutaʻua i le tali atu fa’avaomalo i le pa o le mauga mu ma le galulolo ia Ianuari i Toga (Tonga), ma ou te tulimatai atu e talanoaina po o a nisi mea e mafai ona matou faia e fesoasoani ai." ta'ua e le tamaitai Minisita o Penny Wong i lana faasalalauga i upega tafailagi.

1 Iuni 2022 O se va'aiga sa seasea ona va'aia i savali ma fa'aaloalo masani a malu o le malo le ta'ita'i ai ese tamaitai leoleo o le fa'alo fa'aaloalo masani, peita'i i le taeao ole aso Lulu 1 Iuni 2022 na molimauina ai lenei vaaiga i le tumati'e fo'i o le fa'aeaea ua ave i tamaitai e nate fa'atautaia pe ta'ita'i lea vaega taua mo malu ole malo. O le tutoatasi o lenei tausaga 2022 ua le gata ina maitauina lea faiga i savali fa'aaloalo a malu o le malo ae o se tausaga foi i le tala faasolopito o Samoa i le avea ai o le tamaitai Palemia o Samoa e nate sisiina le tagavai o le saolotoga o Samoa. O le taulai ma le faamamafa a le malo o Samoa o le unaia lea o avanoa tutusa mo tagata uma e aofia ai ma tina ma tamaitai. E pei la ona pine ai i le tele o matagaluega a le malo olea ua mafai ona taitai e sui tamaitai ma fa'auluulu ai.

31 Me 2022 O le taeao o le Aso Lua 31 o Me 2022 ua talanoaina ai le tala faatatau autu o tupe ile tausaga faaletupe 2022/2023 ile fonotaga ale palemene. O le tamaitai Minisita o Tupe na lauga mua e fa’ailoa fuafua ale malo i lana tala faatatau autu o tupe ile faitauga muamua. I le tala faatatau autu ole tupe o lenei tausaga ua atagia ai ni vaevaega mo matagaluega taitasi ale malo mo le faatinoina o galuega aemaise foi ole 51 miliona mo itumalo lea na fuafuaina ele faigamalo ale Faatuatua ile Atua Samoa ua Tasi mo itumalo faapalota uma e 51. O lenei faamoemoe mo itumalo ua faagasolo nei lona vaega muamua lea ua faamatuu atu ai i itumalo se vaegatupe e $200,000 e amata ai nei poloketi male fa’amoemoe olea faamatuu atu le vaega mulimuli ile mae'a ai ole faitauga male talanoaina ole ole tala faatatau ole tupe o le tausaga faaletupe 2022-2023. Talanoaina tala ole tupe 2022/2023. Otootoga; TUPE MAUA;. Tupe maua $789 miliona Tupe maua masani $643 miliona Tupe faameaalofa mai fafo $146 miliona TUPE FA'AALU: Polokalame o tupe alu $726 miliona Tupe alu faale tulafono $131 miliona Tupe faaalu le fuafuaina $21.8 miliona Tupe faaalu mo atinae 84 MILIONA Faasiliga o tupe alu i tupe maua 147 MILIONA Galuega faatinno ma atinae 2022/2023 964 miliona 1.Matagaluega o Faatoaga ma Faigafaiva $19.6 MILIONA. 2.Matagaluega o Pisinisi o Alamanuia ma Leipa $20.7 miliona. 3.Matagaluega o A'oga ta'aloga ma Aganuu $132 miliona. 4.Matagaluega o Tupe $104 miliona. 5.Matagaluega o le Va i Fafo ma Fefaatauaiga $25.8 miliona. 6.Matagaluega o Fesootaiga $9.3 miliona 7. Matagaluega ole Soifua Maloloina $140.4 miliona 8. Matagaluega o Fa'amasinoga $14.2 miliona 9. Matagaluega ole Puna'oa fa'alenatura male Siosiomaga $26.6 10. Matagaluega o leoleo ma Falepuipui $51.6 miliona. 11.Matagaluega ale Palemia male Kapeneta $10 miliona. 12. Matagaluega o Tiute ma Tupe Maua $12.9 miliona 13. Matagaluega o Tina ma Tamaitai atina'e o Nuu ma Agafesootai $63.6 miliona. 14.Matagaluega o Galuega ma atinae tetele ale Malo $47.5 miliona. 15. Ofisa ale Loia Sili $5.4 miliona. 16. Ofisa ole Pule male ofisa ole Su'e Tusi Sili $4 miliona. 17. Ofisa ole Komesina o Faigapalota $2.9 miliona. 18. Ofisa ole Failautusi ole Fono aoao faitulafono $7.3 miliona. 19. Ofisa mole Komisi o Sulufa'iga $1.6 miliona. 20. Ofisa mole Komisi o tagata faigaluega ale malo $8.7 miliona. 21. Ofisa mo Numera Faamauina $5.8 miliona. 22. Ofisa ole Komisi mole Fuataina ole Tulafono $1.4 miliona 23. Matagaluega mo Faalapotopotoga Tumaoti ale malo $9.1 miliona. O lenei tala faatatau autu ole tupe i lona faitauga muamua olea ua amata ona felafolafoa'i ai le maota.

30 Me 2022 O le fa’ai’uga o le vaiaso na fa’ataunu’uina ai le fa’aaliga o faatoaga ma faigafaiva po’o le Talomua i le itu i Saute o Upolu, na talimalo ai le Asosi o Faifa’ato’aga ma Faifaiva a Punauli i le afioaga o Si'umu i le Aso To’ona’i aso 28 o Me 2022. O le autu o le fa’amoemoe, “Galulue Punoua’i mo le Ulua'i Seleselega” – Galulue Malosi mo le Uluai Seleselega. O lea faamoemoe sa tapenaina e le Asosi i le galulue so’oso’otauau ai ma le aufai faatoaga ma le au faifaiva i Siumu. O le Peresetene o le Asosi a le aufaifa’ato’aga ma le aufaifaiva i Punauli, Su’a Ioane na fa’afeiloa’ia le Malo, le auvalaaulia ma i latou uma na auai e fa’amanatu le latou Talomua muamua i Siumu. Na auai le Minisita o Faatoaga ma Faigafaiva, Afioga La’aulialemalietoa Leuatea Polataivao Fosi Schmidt, Faipule o Siumu, Afioga Tu’uu Anasii Leota, Minisita Lagolago mo Fa’atoaga ma Faigafaiva, Maiava Fuimaono Tito Asafo, ma le Pulega Fa’atonu a le malo le Matagaluega o Faatoaga ma Faigafaiva. O le afioga i le alii Minisita ia La’aulialemalietoa Leuatea Polataivao Fosi Schmidt na saunoa e fa’afetaia ma momoli le fa’amalo i le Asosi a Punauli ona o le faatinoina o lea fa’amoemoe mo le au fai faatoaga . O lenei faamoemoe a le matagaluega ina ia mafai ona faamalosia le au faifa’atoaga e galuea'ina eleele, ma o lenei fa’aaliga o lo’o galulue so’oso’otauau ai le matagaluega ma le aufaifaatoaga lafumanu ma fa’atoaga eseese, ma le aufai faiva o Siumu e faailoa a latou fua o faatoaga. Na ia ta‘ua o lea tulaga ua faailoa ai le lelei o le galulue so’oso’otauau i totonu o le afioaga e unai ai fa’atoaga ma faigafaiva ina ia faatumauina ai taumafa, taumafa ma le saogalemu o tupe maua. Sa saunia e le Matagaluega meafaigaluega ma meafaigaluega tau faatoaga, fatu ma laau toto o fua o faatoaga eseese e avea o se vaega o la latou matafaioi lagolago i faatoaga ma faiga faiva a nuu.