Search Results

25 Me 2022 Tusitala: Vaai Nah Folasa. Ua tuuina mai le lipoti o lenei fitu aso po’o lenei vaiaso atoa mai le 2:00 i le aoauli o le Aso 15 Me 2022 i le 2:00 i le aoauli o le Aso 22 Me 2022, ua fa’amauina ai e 792 latou fou ua pesia i le siama o le Koviti – 19 ma ua si’itia ai i le 12,757 le mamalu o le atunu’u ua a’afia i lenei fa’ama’i. O le aofa’i o e ua pesia, o lo’o mafuli lava i Upolu nei tusa lea ma le 10,792, e to’a 1,949 o lo’o aumau i Savai’i ma le to’a 16 mai Manono – Tai. O e na malaga mai fafo ua a’afia i le Koviti – 19 e to’a 86 e aofia ai ma le to’alua (2) o gasegase fou. E to’aono (6) e ua pesia o lo’o taofia nei i le Falema’i i Moto’otua ae leai se tasi oi le Potu Tigāina (I.C.U.). E fautuaina pea le mamalu o le atunu’u, ina ia tausisia fautuaga fa’alesoifua mālōlōina mo le soifua manuia o tagata uma, e ala i le faia o punifofoga, tausisia le nonofo ma le tutū vāvā mo le lua mita mai le isi tagata, fufulu mamā lima i taimi uma. Mo e ua masalomia le a’afia i āuga o le fa’ama’i, fa’amolemole fa’anofoesea lelei i ‘āiga i se nofoaga fa’apitoa tau mamao mai isi tagata aemaise e pele iā te oe. O lo’o fa’aauau pea tuiga i le taimi nei i Moto’ota ma falema’i uma fa’aitumālō. Mo e e le’i mae’a po’o le le’i faia fo’i o tui puipui o le Koviti – 19, fa’amolemole e talosagaina lo outou mamalu, ina ia faia o outou tui puipui, auā na’o le pau lea o le puipuiga sili mo tagata uma e tete’e atu ai i lenei fa’ama’i. I LATOU UA MĀLILIU Ua fa’amaonia fo’i le i ai o le maliu fou i totonu o lenei fitu aso e pei ona lipotia muamua atu, ona o āuga o le Koviti – 19 ma ua si’itia ai i le to’a 25 e ua māliliu. O le ua maliu o se tamā matua 64 tausaga o le soifua, e i ai ona gasegase tumau peita’i ua mae’a uma ona faia ona tui puipui e lua o le Koviti – 19 fa’atasi ai ma le tui fa’aopoopo. O le fa’aaloalogia ma le amanaia o ‘āiga o e ua māliliu, o le a leai ai se isi fa’amatalaga fa’aopoopo e tu’uina atu mai lo tatou Mālō.

Ua pasia nei e le palemene le ripoti a le Komiti mo Tulaga Aloaia ma Amioga Tauoloa e pei ona iai le fonotaga a le palemene i le Aso Lua 24 Me 2022. O le ripoti lenei a le Komiti o le suesuega i le mataupu na fa’aulu ai le tagi a le sui palemia le afioga ia Tuala Iosefo Ponifasio e fa’asaga i ni isi o sui o le maota le afioga i le Ta’ita’I o le vaega fa’aupufai e Puipuia Aiatatau a Tagata(HRPP). O le tagi lenei e faapea o le solia o tulafono tumau o le maota ma le amana’ia o tulaga aloa’ia ole palemene o Samoa. O le tulafono tusitusia aloa’ia o lo’o taua ai e fa’apea: Ua solia e i la’ua tulaga aloa’ia ma fa’atino amioga le migao i le palemene ona o fa’amatalaga na la’ua lafo, peita’i o lo’o te’e e sui usufono o lo’o faasaga iai le faitioga ma e iai vaega e ao ai ona fa’aleaogaina ai lenei faitioga. O nisi o mata’upu taua na maua i iloiloga ma sailiga ale komiti olo’o fa’amatalaina auiliili mai i totonu o le ripoti a le komiti, i lalo o le vaega numera 5 e aofia ai: 5.1: Avea ai o so’o tagata ma sui usufono aloa’ia a le palemene. 5.2: Faia pe na le faia fo’i se fa’amasinoga 5.3: Maliega o le Harmony Agreement. 5.4: Taimi e laga ai se mataupu tau tulaga aloa’ia. I le mae’a ai ole iloiloga a lenei komiti faapitoa fa’apalemene ua taunuu ai nei i se taunuuga e faapea: Tu’utu’uga o galuega: 6.1: Ua fa’amaonia le a’afia male solia o tulaga aloa’ia a le palemene ma ua fa’amaonia fo’i le solia o aiaiga o le tautoga o le loto fa’amaoni male tulafono laitiiti o amio tauoloa fa’apalemene tulafono tumau 15. 6.2: Ua fa’amaonia le a’afia ma le fa’atinoina o amioga le migao i le palemene. 6.3: Ua a’afia le tulafono o pule ma tulaga aloa’ia o le fono aoao faitulafono. 6.4 male 6.5 : O a’afiaga o lenei mataupu o lo’o aiaia ai i totonu o le tulafono tumau. O itu nei na maitauina ma e le Komiti ma tu’uina mai ai se latou lipoti tusitusia ma ua fa’ai’ugafonoina ai e fa’apea: 1.Ina ia tu’ueseina ma fa’amalolo mai galuega a le palemene sui usufono o le itumalo Lepa male sui usufono o Faleata numera 3 e amata mai i le aso e fa’amaonia ai e le fono aoao le ripoti a le Komiti o Tulaga Aloaia ma Amio Tauoloa se’ia iai se aso. 2.E le agava’a nei sui usufono ua fa’asalaina e maua fa’amanuiaga i totongi ma alauni faapalemene. 3. E fautuaina e le Komiti le palemene male fofoga fetalai ina ia mataituina taualumaga o le faaiuga e fua iai se aso e toe taliu mai ai sui ua faasalaina.

24 Me 2022 Ua fautuaina e le Komiti o Tulaga Aloa’ia ma Amio Taualoa e fa'amalolo e aunoa ma se totogi le Ta'ita'i ma le Failautusi o le Vaega Fa’aupufai e Puipuia Aia Tatau a Tagata ona o le solia o Tulafono Tumau a le Palemene. O le taunuuga lea o le tagi na fa’aulu e le Sui Palemia ia Tuala Iosefo Ponifasio fa’asaga ia Tuilaepa Sailele Malielegaoi ma Lealailepule Rimoni Aiafi ina ua fa’amaonia le moliaga o le le usitaia o le fa’amasinoga i le fa’alumaina o Fa’amasino o le faamasinoga. O ia fautuaga na fa’ailoa mai e le Ta’ita’ifono, o le Komiti o Tulaga Aloa’ia ma Amio Taualoa, le tofa Valasi Tafito Selesele ina ua mae’a ona tu’uina atu le ripoti a le Komiti Fa’apitoa. Peita’i na fa’ailoa e le Sui Ta’ita’I ia Fonotoe Lauofo Pierre i le Palemene le mataupu i luma o le fa’amasinoga, o ni fa’amatalaga sa faia i luga o upegatafa’ilagi ma ua mae’a fo’i ona faia le fa’ai’uga a le fa’amasinoga i lenei mataupu ma i’u ai i le “leai ose fa’asalaga”. O le mataupu lea sa faia i luma o le faamasinoga e leai se aafiaga i le Palemene, ona o le mataupu ua patino tonu i le Faamasinoga. Ma o lea ua maua le avanoa e tuuina atu i sui o le palemene e faasoa ai i totonu o le palemene e uiga I lenei ripoti.

Ua mavae nei le tasi o le aso talu ona filifilia se faigamalo fou a Ausetalia, ae faamavae le taitai muamua o Scott Morrison ae faatauto ai le Palemia fou le alii palagi o Anthony Albanese. Ae ole aso lenei , Aso Lua 24 Me 2022 ua faamanatu ai e Samoa le uluai tausaga o le faatautoga sa faia i le faleie sa faia e aunoa ma le auai o le Ao o le Malo, le faamasinoga poo so'o se sui o le itu agai. Na faataunuuina lenei faatautoga i le 45 aso talu ona mae’a le faiga-palota-o le aso mulimuli lava lea ua saunia e le Fa’avae. Ina ua mae’a ai nai masina o faamasinoaga ma sa le'i faalēaogāina ai e le Faamasinoga Maualuga ni apili uma e faasaga i lea faatautoga ma faamaonia le sa'o o le sauniga faatauto lea na faia i le fale'ie. O le suiga o le pule ma faigamalo sa faigata ma e lei faamoemoeina. I le taeao la ole Aso Lua 24 o Me, na faatumulia ai le malae o tiafau I fafo ane o le Maota Fono i le sauniga lotu e manatua ai le atoaga o le ulua’I tausaga talu ona tulai mai lea sauniga sa faatauto ai sui ole Kapeneta ma le Palemene. Na amata le faamoemoe I viiga (worship) ona sosoo lea ma sauniga lotu na saunia ele afioga i le Fofoga Fetalai ia Hon Papalii Lio Taeu Masipa’u. E mae’a le sauniga lotu ae to loa ma timuga, sa lei mafai ona faaauauina nisi vaega ole sauniga I luma maota ole Palemene ma na see ane loa ma faaauau ai loa i le fale’ie I tua ane o le Maota Fono. I le saunoaga a le tamaitai palemia Hon Fiame Naomi Mataafa na ia fofola ai le taua olenei aso i le talafaasolopito o fesuiaiga o Malo e pei ona manatua uma e le toatele ilea so 24 o Me 2021 ile maea ai o le faigapalota ilea so 9 o Aperila 2021. I lenei sauniga na auai le afioga i le taitaifono o le vaega faaupufai a le Faatuatua i le Atua Samoa ua Tasi, o sui faipule o le vaega faaupufai, sui o le Kapeneta, o le sa avea ma ao mamalu ole Malo o Samoa le afioga ia Tuiatua Tupua Tamasese Efi, o nisi o alii ma tamaitai loia aemaise o le au lagolago ile vaega faaupufai. Na saunoa le tamaitai palemia aemaise o le taitaifono i le taua i le FAST o lenei faamoemoe ma lenei aso, ona o se aso sa faamauina ai e le gata ose fesuiaiga o malo ise vaega faaupufai fou ae o se taimi muamua mo se Palemia Tamaitai muamua o Samoa.

Ua maea nei ona faasalalauina le fuafuaga ale malo o Samoa mo le faamanatuina ole tutoatasi I lona 60 tausaga taimane ia Iuni. O lenei fuafuaga ua faataoto nei mo le tausaga atoa e amata atu ile Aso 1 o Iuni 2022 se’ia aulia le Aso 3 o Me 2023. O le faamoemoe o lenei fuafuaga ina ia maua le avanoa e faamanatuina faatasi ai e Samoa aoao lana tutoatasi aemaise o le aulia ai o le 60 tausaga. Ua lafo atu nei foi I pulega alii ma faipule, faalapotopotoga, Ekalesia ma Nuu ia faafiafiaga ina ia faatulaga ina i luga ole kalena ole Tutoatasi a Samoa 2022. “O le agaga maualuga lea, ua faaiugafonoina ai e le Kapeneta, le taoto atu i le paia o afioaga ma alalafaga e faatino ai lava a latou sauniga lotu faafetai i le taeao o le Aso Lulu, aso 1 o Iuni e faafetaia ai lo tatou Atua ua tatou aulia lo tatou 60 tausaga. E faapea foi i ni polokalame o le a finagalo i ai afioaga ma alalafaga e faatino i lea aso, o le a taoto atu i le pulega mamalu a alii ma faipule. E faailoa atu, e aloaia le aso malolo i lea aso.” Ae ole’a fa’atinoina lava le sauniga masani a le malo i le sisiina o le tagavai o Samoa i le malae o Ti’afau I Mulinu’u. E na’o i latou toaitiiti ole’a auai e ala i valaaulia, ina ia tausisia pea puipuiga faalesoifua maloloina, ona o le pepesi o le faamai. Ua i ai le faamoemoe e amata le polokalame i le tatāina o logo, ma faailo sailini uma i le atunuu i le vaeluaga o le po o le Aso Lua, e faafeiloai ai le aulia e le atunuu o lona 60 tausaga, ona faatino ai lea o sauniga i le taeao o le Aso Lulu, aso 1 Iuni, 2022.

I le mae’a ai ole faigapalota a le malo tele o Ausetalia na faatoilaloina ai e le vaega faaupufai a le Labour le faigamalo talu ai na taitaia le atunuu. I le mae’a ai olea palota ua tulai mai ai nei Anthony Albanese e avea ma Palemia Fou o Ausetalia ae ua malolo ai le palemia talu ai o Scott Morrison. Ua maea ona faia le faatautoga ale Palemia fou o Ausetalia ma ua maea foi ona ia filifilia ana Minisita o lea galulue faatasi mo le malo o Ausetalia. Ole mataupu oloo ua ave i ai le faamuamua a Albanese ma lana faigamalo, o fesuiaiga o le tau. O le tamaitai o Penny Wong ua tofia nei e avea ma Minisita ole Va I Fafo, i le saunoaga a le tamaitai Minisita na faailoa ai lona faamoemoe ina ia faamalosia le faapaaga o le malo o Ausetalia aemaise o atunuu ole pasefika. “I lo’u aso muamua o le Minisita o le Va i Fafo, sa ou manao e faasoa atu ni manatu i lo matou aiga Pasefika.O lo tatou itulagi o loʻo feagai ma luitau e leʻi tupu muamua, ae o le a tatou feagai faʻatasi. O le a tatou ausia fa'atasi o tatou mana'oga. Ma o le a matou faalogo atu fo’I I so'o se manaoga ole Pasefika” O nisi vaega ua folafola ele tamaitai Minisita ole Va I Fafo a Ausetalia, olea unaia ni fesoasoani e soosoo tau’au ai male Pasefika I tulaga o fesuiaga ole tau, ole’a fesoasoani i manaoga o atunuu ole Pasefika ile mataituina ma le feagai ai male fa’ama’I ole Koviti 19, ole’a mafai foi ona fesoasoani mo avanoa faigaluega e auina atu ai tagata ole pasefika e galulue I Ausetalia.

O le a auina atu e Niu Sila ni autau e to'a 30 a le NZDF (NZ Defence Force) e fesoasoani ia Ukraine e tetee atu i osofaiga a Lusia. Na faailoa e le Palemia Jacinda Ardern i se faatalanoaga ma le aufaasālalau i le maeʻa ai o le Kapeneta i le Aso Gafua. O fitafita o le a faʻamautu i Peretania ma o le a fesoasoani i le aoaoina o le au fitafita Ukrain i le faʻaaogaina o mea tau.

'The tumultuous events following last year's general election continue to ripple through the Maota Fono a Samoa. Last week, some 13 months after Samoa went to the polls, an additional 3 women have been sworn into parliament. Flaws in the hastily drafted legislation requiring a minimum quota of 10% of the seats to be occupied by women soon unraveled when it was found that 10% of 52 seats is 6 not 5. There were several false starts as to who should occupy the additional seat given that bi-elections had not at that time been finalised. After the declaration of the bi-election results and further court challenges, it was determined that there should be 7 women. This full complement has now taken their rightful place. The 2021 election not only exposed legislative deficiencies but relied on the courts to clarify this and other critical matters. The electoral legislation and process quite rightly needs to be revisited to ensure the position and representation of women is clear and unambiguous before 2026. Further, no one wishes to see a repeat of the political upheaval and constitutional crisis from which Samoa has just emerged. Last week also, the Prime Minister was called before a parliamentary committee to explain the context of the so-called "harmony agreement". Essentially, the Prime Minister and the Leader of the Opposition entered into a written agreement to discontinue charges of contempt which were at the time before the court. Various senior HRPP members and supporters were subjects of these charges. Fiame explained that this was a genuine attempt, made in good faith to discontinue the court matter. Moreover it was an attempt to enable parliament and the process of government to move on. The charges were serious and if proven could have led to jail time, removal from parliament, further bi-elections, disbarment and certainly more political upheaval. The "agreement" sought to avoid this. The action by the Prime Minister at the time is unusual in itself. It could have been seen by some as interference with the judicial process and a blurring of the separation of powers. However, the document sought discontinuance of proceedings as a settlement of impending court hearing. This process is available to parties in any event. Ultimately the court rejected the request for discontinuance and found key party members and supporters guilty of scandalising the court. However, the court imposed no penalty. It appears that while the court rejected the request to discontinue charges of contempt, it did pay some regard to the context of the agreement and the intent behind it. Recent behaviour would suggest that the leader of the opposition and the secretary of the HRPP continue to play the harmony agreement as being applicable in the parliament. In her response to the parliamentary committee, Fiame was clear in that the context of entering into the agreement related to the impending court case alone and did not extend beyond that. The "get out of jail free card"- a.k.a. the "harmony agreement"- does not extend to behaviour in parliament. While the charges of contempt have been decided, there have been further claims. Both the opposition leader and HRPP secretary are currently being investigated by the Parliamentary Privileges and Ethics Committee over allegations of misconduct. The leader of the opposition has scoffed at these allegations and maintains his innocence of the contempt charges despite his apology to the Court. He has also sought to embrace religious and cultural practices as justification for his behaviour. In another situation, the Prime Minister recently moved a motion to eject a member of parliament from the house. In a heated debate the Prime Minister sought clarification of statements shouted by the offending politician and subsequently had him removed. He has since apologised and resumed his seat. The events over the past few months and as illustrated in parliament last week, demonstrate the need for greater respect, dignity and decorum in our house of parliament. The Speaker has been challenged many times and sought to retain order and dignified behaviour. It is hoped that the greater presence of women - representing both major political parties - might bring this about. We'll see.'

Ua mae’a le isi vae ole ta’amilosaga o taaloga lakapi ta’ito’afitu ale lalolagi i Farani e pei ona taualuga ai ile amataga o lenei vaiaso. O lenei vae ua siamupini ai nei le ‘au malosi a Fiti ina ua faatoilaloina le ‘au a Aialani ile la taaloga ile vaveao ole Aso Gafua 23 o Me 2022. Ile taumafaiga lava ia ale ‘aulakapi a Samoa, ua siitia ai nei lona tulaga mai ile 15 sa iai i nisi o vae e lua ua mae’a ile tulaga 10 oloo ua iai nei. I ta’aloga o pulu na manumalo ai le Manu Samoa i lana pulu, e pei ona iai atunuu o Aialani, Spain ma Aferika i Saute. O ‘au uma nei i totonu ole pulu lenei na matua faatoilaloina uma ele ‘au ale atunu’u. [video credit: https://www.tiktok.com/@savaiiboe ] Na maua le avanoa o Samoa e saofaga ai ile Quarter Final, ma na taa’alo ai ma se tasi o ‘au malosi o lenei ta’amilosaga le ‘au a Enelagi ma manumalo ai i ‘ai e 26 ile 24. Ole mae’a ai olenei ta’aloga na maua ai foi male avanoa ile Semi Final e sa’ilia ai se avanoa mole Sa’iliga Siamupini, ae peitai sa le’i manuia taumafaiga ina ua fa’atoilalo ai ‘ele ‘au malosi a Fiti i ‘ai e 28 ile 7. O le agaga fiafai na molimauina i luga o upega tafa’ilagi ina ua vi’ia ai e tagata Samoa taumafaiga a lana Manu Samoa ‘ona oni matati’a ua maitauina, aemaise ole aga’i i luma o ana taumafaiga talu mai nai tausaga ua tuana’i. O le isi vae ole ta’amilosaga ta’ito’afitu olo’o soso’o nei o Lonetona ile aso 28 male aso 29 ole masina nei o Me.

23 Me 2022 Tusitala: Vaai Nah Folasa. O le aso 18 o Me 2022 na tauaao atu ai e le Amepasa fou o Samoa i Peleseuma le tamaitai o Francella Strickland lona tusi fa’amaonia i le Tupu o Philippe i le Maota o le Malo o Brussels. O lea ua fa'amaonia aloa'ia ai lona fa'atagaina e avea ma Amapasa o Samoa i le Malo ma Peleseuma. I le talanoaga ina ua maeʻa le sauniga o le folasaga, na toe faʻamaonia ai e le Amapasa Strickland ma King Philippe le lelei o le va o atunuʻu e lua ma talanoaina mataupu o le popolega e aofia ai le Covid19, suiga o le tau, fefaʻatauaʻiga, turisi ma aʻoaʻoga. O le talanoaga na maua ai le avanoa mo le Amapasa o Strickland e faasoa atu ai i Lana Afioga Mamalu le Tupu, luitau ma mea e ave i ai le faamuamua a Samoa aemaise o se Atumotu Laiti Atinae. O le tamaitai Strickland o le a aloaia foi e avea ma Fa’auluuluga o Misiona i le Iuni a Europa, isi atunuu o le EU ma le United Kingdom. E silia ma le 20 tausaga o lona poto masani i le auaunaga i fafo i Samoa e aofia ai le avea ma Failautusi Muamua i le Amapasa i Peleseuma ma le Faufautua ma le Sui Ulu o le Misiona a Samoa i Niu Ioka. A o lei filifilia e avea ma Amapasa o Samoa i Peleseuma, sa avea o ia ma Pule Sili Lagolago o le Vaega o Fegalegaleaiga Faavaomalo a le Matagaluega ole vai I fafo.

20 Me 2022 O fa’amanuiaga ma i le ele’ele o se fua taualuga lea o fa’amanuiaga ua fa’amanuiaina ai le tama ia Ulugia Eneliko ma le faletua ia Brenda o Tapatapao. Na maua le avanoa e faasoa ai nei au fai faatoaga i le BluTv Samoa, ma o lau fa’ailoa ai le tamaoaiga ma faamanuiaga ua mauaina ona o le galue ina o le laueleele. I le amataga o le soifua finau o lenei ulugalii, na amata mai i le leai o se mea. “Na amata mai le va ‘aiga le faatoaga taro, sa faatau ma ave i le makeki aua se seleni, e faigata le amataga o lenei atina’e ma i lona amataga. Ia silafia foi o ma’ua sa amata mai lava is e fa’asee sa o maua nonofo ai ma atinae ai lo ma aiga ma le fanau”. O le ola finau o se tasi lea o molimau ola o lenei taumafaiga, e tele ni luitau ma faigata sa tauasa mai e Ulugia ma Brenda. O le fa’afitauli muamua ole tau sailia o ni fanua lelei e fetaui ma o la manao, ae peitai sa tali le Atua ma maua ai nai fasi fanua i Tapatapao lea na amata ai loa le faatoaga o taro i tausaga ua tuanai ao tau amata mai lo laua atinae. “O maua na amata mai nao le ma taro a, ia faifai ua lelei ona saili lea o ni fatulaau mo fualaauaina. Ina ua maua mai lea o fatu fuala’auaina i lene taimi o le tamato. Ia ona taumafai foi lea ole toga tamato, sa matua lelei le ma taumafaiga, faasolo mai i tulaga o kapisi, kukama, ia oo mai taimi nei ua maua le tele o fualaau aina ua mafai ona ma totoina ma kiliva atu i le tele o faleoloa ma supamaketi o lo’o matou faipa’aga nei”. O le faatoaga ma atinae a Ulugia ma Brenda sa tagi lava i lima mea e fai ai, e le’i iai ni tagata faigaluega sa fa’atinoina nei atinae, o le la fanau lava ma tamaiti a le aiga na fesoasoani e o’o mai i le taimi lenei ae o lo’o ave ai lava seleni tusa lava po’o a laua lava fanau. Na ta’ua e Ulugia, o le taimi nei e lei leva ona iai se faiga pa’aga mase tasi o fa’alapotopotoga faatoaga I Nuu lea na fesoasoani atu i fale mo le kapisi, ae o lo’o taumafai ni talosaga mo ni fesoasoani mai i le malo e tauala atu i le matagaluega o Faatoaga ma Faigafaiva. O le tulaga i maketi e pei ona faasoa ai le tina ia Brenda, o lo’o faamoemoe lava i o tatou lava tagata I faleoloa ma tagata taitoatasi. E leo iai ni maketi poo ni faitotoa mo atunuu e mamao. Ua silia ma le 10 tausaga talu ona amata ina nei atinae o faatoaga e Ulgia ma le faletua, ma ua molimauina foi le faamanuiaina ini fale , taavale ma fanua ona o seleni na maua mai lava i le galueaina o le laueleele. O le fautuaga a le alii faifaatoaga o fualaau aina ia Ulugia Eneliko, ina ia lalaga le laueleele aua o ina o lo’o pae ai le tele o seleni, ma o so’o se tagata e fia faatoaga ia lava le onosa i faafitauli. Aua ole galuega ma le galueaina o le laueleele e le’o se mea e faigofie. O le fa’amoemoe i le Atua e ala i le tatalo e manatu ma talitonu le alii fai fa’atoaga o le ki tatala lea o mea uma aemaise o ni atinae. Ulugia Eneliko ma lona faletua o Brenda Senio.

O le taeao o le aso Faraile 20, 2022 na fa’afeiloai ai e le afioga i le taitaifono a le vaega fa’aupufai a le Faatuatua ile Atua Samoa ua Tasi le susuga i le La’aulialemalietoa Polataivao Fosi ma le taitai o le vaega fa’aupufai le afioga foi i le tamatia palemia ia Hon Fiame Naomi Mataafa le sui a le vaega fa’aupufai a le Faatuatua ile Atua Samoa ua tasi olea tamoe mole faigapalota mole itumalo o Gagaifomauga 2 ile aso 3 Iuni 2022. Na maua le avanoa e saunoa ai le sui o le itmalo o Gagaifomauga 2 o le’a alu i le palota i ona fa’amuamua mo lona itumalo. O le faamuamua a le tofa ia Lomi Tauloa Moafanua Safunetuuga Sia'aga , o le tulaga lea I faatoaga (agriculture) e talitonu Lomia, e manaomia ona toe lalaga le eleele o lona itumalo aua atinae mo le soifua manuia o ona tagata. O fa’afitauli o lo’o feagai ma Gagaifomauga 2 e manaomia ai ona toe faalelei, o le vai aemaise o tulaga I aoga a le fanau. O le tofa ia Lomia o se sui filifilia lea a le vaega fa’aupufaia o le Faatuatua ile Atua Samoa ua Tasi(FAST) e pei ona tasi ai le itumalo. Saunoa le taitaifono le afioga ia Laauli, ole sui lenei sa filifili ma tusilima uma ai le vaega fa’aupufai, na fa’amautinoa foi e le taitaifono na agai atu nisi o sui o lo’o agaui faatutoatasi e fia tauva i le fu’a ale vaega faaupufai a le Faatuatua i le Atua ua Tasi. Ae peitai sa talosagaina ina ia agai e toe soalaupule ma talanoa poo ai o lea fili ma autasi iai le itumalo ina ia fai ma sui e tauva i le fu’a a le FAST. O le taimi nei ua toe toafa(4) sui lea olea tauvava nei i le faigapalota laitiiti ale itumalo Gagaifomauga 2, e toalua sui tutoatasi, tasi le sui ale HRPP male Toatasi ale vaega faaupufai a le Faatuatua ile Atua Samoa ua Tasi. O le vaiaso lenei na toe faaui ai tua le suafa ose tasi o sui ale HRPP le tofa ia Sooalo Feo Mene ae ua lava le tofa ia Sooalo Poka e tauva i le fu’a ale vaega faaupufai e puipuia aiatatau a tagata le HRPP.